عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كلامي هنا فضفضة لااكثر
وربي العالم والقادر بحالي…والحمد الله على كل حال
ويارب اسالك فرجا قريبا وتعوضني خير وتخلفني بمصابي وتغنيني بفضلك عمن سواك
يارب تغنيني عنهم وترزقني خيرا مما يظنون
تفتحت جروحي ونزفت اجواء المطر اثارت حزني وبكيت وبكيت لين تورمت عيوني
اكره ذيك الايام واكره ذكرياته
راح وتركني وخلف لي احزان ملازمتني
الكل طالع واهلي راحوا للبر رغم الحوا يبوني اطلع بس كنت مابي اتكدر لاني عارفة لو رحت بيضيق خلقي
لاتستغربون انا كنت اعشق المطر والسحاب والجو
لكن صرت اتحاشى الجو والبر والوناسة لان فترة خطوبتي وايام فرحتي مرتبطة بالمطر فمابي اتذكره
اهرب ويلاحقني
دمرني وتاثرت نفسيتي صرت اتحسس الكابة سيطرت علي من كثر ماشفت منه
ماتخيلت فيه رجل كذاا بنذالة وحقارة
اصعب شي تعيشي فرحة واحلام زواج واخيرا تحقق لك مناك وفجاة ترجعي للوارء بنفس الحزن والهم لكن بشكل اكبر..شعور صعب جدااا
تفقدي كل احساس الفرح وتعيشي صدمة واقع مرير جدااااااااااااا
واسوء شعور تجهزي شنطك وتنشغلي وتجهزي للسفر وغيرك قدامك من اهلك يسافرون يغيرون جو يستمتعون وينقلب الوضع وتواجهي احراجات
وانت اللي كنت عروس وبتسافري ترجعي لمخدتك حزينة وغيرك ينطلق يسافر يتمتع باجازته
لو شفتي من البنات اللي انخطبوا معك وهم تزوجوا واستقروا وتسمعي اخبارهم تتضايقي
كيف لو هم اصغر منك
ربي امطرني فرجك
بس اشوف المطر ينزل تنفتح بوابة الذكريات ووووااااااااااااااااااااااه منها يابنات
حتىا لمطر والبر كرهني فيه ..رجل مايخاف الله رجل صدمني وسوا سواياه ولكانه سوى شي
ليش لانه رجل بيده الطلاق والترك
كم شهر مروا علي مانشفت دموعي
كم يوم وكم دقيقة وكم شهر كنت اقلب الذكريات بموقف بكلمة بضحكة بدمع يرجعني للوراء
غصب عني لارااديا تدرون وين انا
كنت بغرفتي ابكي وبكي اخشى الخروج واخشى التنزه ليش لان احزاني تتناثر
ومليت منها ومحاصرتها خفت اروح وانزعج واكتم عبرتي واجاملهم واضحك
فاخترت الوحدة والدعاء
كنت اتامل المطر
واتامل كيف غدر فيني وكيف كنت فرحانة وهم جوا يخطبوني بالمطر
الحين جاء موعد المطر وانا ابكي واكره الماضي
صرت اخاف احد يلمح حزني
او يلاحظ..
وماحد اصلا يقدر مشاعرك سوى انك كبيرة وخطيبك هانك وجرحك ورماك لانك اكبر
اي انسان اي رجل
اي ضمير
طلعوا وراحوا والناس مبسوووطة وانا بين ذكرياتي ابكي ظلم وابكي الم وبكي كلام وتجريح الظالم فيني
لان المواقف اللي تصير والاماكن تقلب مواجعي فارجع ابكي اما بسوق او بطلعه او حتى اجواء المطر
اخذ حبي للمطر
اخذ حيويتي عقدني وضيعني وتاثر مسقبل زواجي بسببه
كنت انسق موعد مع الاخصائية النفسية من قوة الكابة ووظروفي صعبة كيف اروح لها
لاني ماقدر ومابي احد يعرف..
والعالم تنسق مواعيد لللخروج والزيارة وو
سبحان الله امس كنت استعد لشبكتي وفرحتي وماتعودت ع الغدر ولاالحقارة وماتعودت ع الظلم
ومن ظلمني………….؟؟
احقر رجل
حتى الخطاب مع اني بنت لكن كوني منفصلة بملكة قلوا مو قلوا
الا ماشفت احد يخطبني وان سالوا من بعيد وفرحت وطرت وقلت الفرج
جت الكلمة الصاعقة فوق 30
نبي صغيرة
سال عني شاب كبير عني ر وترددوا
رغم لاينقصنا شي
سال عني مطلق بطفلين تخيلوا..!! يبي صغيرة ورفضوني
رغم مواصفاتي تعجبهم كلها
كرهت هالكلمة تعقدت
باي مكان تنفتح سيرة زواج وخطيب وانا جروحي ماطابت ولكن الناس تتعمد
بكل مكان العرس وو
اهرب من الذكريات وتلاحقني
يارب هذا نصيب والمجتمع ظالم يبي صغيرة
شمت العالم فيني
بكاني حرق فرحتي
خلاني موضع شفقة
ربي انصرني عليه ربي انصرني عليه ماتوقعت انه رجل مستبد لانه اقوى مني استغل ضعفي وحقرني اكثر واكثر واناا ابكي
كل يوم اسمع فلانة سوت بزواجها فلانة سافرت بالعسل وفلانة قال زوجها
كلهم ملكوا معي بس الفرق ازواجهم راقين مايظلمون
صرت ارحم نفسي ……….صرت مابي شي……ابي ابكي يمكن الالم يخف
اما الزواج صار يبعد عني بقووووووة
مدري ليش رغم اول ماتركني تفاءلت
فتحت على الواقع وذكرت تجهيزي وظروف خطبتي واحلامي وضحكت
ثم بكيت من اعماقي
يـــــــــــــــــــــــــــــــــــــــــــــــــ ـارب فرجك ولطفك بي
الزواج مو كل شي
بس بمجتعي متوقف عليه اشيا
خروج طلعه سفر..ابسط حقوك مايحسبونك لانك مو معرسة
ويهتمون بالمعرسة الصغيرة ولها العلم والعز
مايدرون انه نصيب
وان لو ودي كان تم زواجي
رغم حقارته وظلمه ع الاقل امي تفرح
من تركني كثرت الزواجات والافراح للبنات الصغار حتى جتني فترة مالقيت بنت كبري
صديقاتي تزوجوا وخلفوا واغلبهم منشغلين واللي كانت معي بفرحتي تخلت عني باحزاني وتبحث عني للمصلحة فقط
ياربب فرجك ويارت تغنينا بفضلك عنهم
للاسف اعيش مذلة وظروف خلتني اعزف عن الاشيا اللي احبها
ايام صعبة متعبة ابكي وابكي وكم موقف يمر علي كنت ابتسم ورجع لمخدتي ابكي بحرقة
صرت محط انظار العالم مايدرون انه نصيب ولو ودي كان تزوجت مثلهم
ربي ماكتب اني اتزوج واستمتع ويكون عندي زوج صالح
عشت الفرحة ايام قليلة لحد ماغدر بي وطلق..
تغيرت نفسيتي وهو انتصر ويشوف نفسه شجاع واحسن رجل وراح يخطب
لانه يبي صغيرة
مشكورين لوقفتكم وانا احبكم بقووووووووة
اجي افضفض لكم الناس طالعه تتونس وانا ماحب
اتضايق استانس بقربكم اعرف انكم تفهموني وتدعون وتقدرون مشاعري يارب ماتشوفون ماشفت من ظلمه وذله وحقارته وكلامه
يارب عوضني:D
