عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم
ما أدري كيف أبدأ ,,, بس ابكتب لكم بقلبي
بعد طلاقي الثاني صرت عصبية كثير اتنرفز
انا من زمان كنت حقودة وبعدين بطلت حقد وصرت متسامحة لكن
مو بسرعة يعني اذا زعلت انسى الزعل لكن ما اتعامل مع اللي زعلني بنفس معاملتي الأولى
بمعنى أخذ حذري واحتياطي (لا يلدغ المؤمن من جحره مرتين)
وهالشيء يعني الحقد خلاّ الأهل كلهم اخذوا عني هالصفة ,, إنت حقودة انت وانت وسب وشتم
انا ما اعطيتهم بال رغم إني انجرحت كثير ,,,
قلت اشتري راحتي واحقر الكلام لكن هم لأنهم أهلي ,,,,,,,,
مرت الأيام ,, والحمد لله راح مني الاكتئاب لأن مع العصبية والمشاكل مع الاهل كرهت كل شيء وصارت حياتي كلها دموع وبكي ,,, دعيت الله كثير وكل ما اتضايق اصلي ركعتين والحمد لله ربي عافاني من هالاكتئاب بعد اشهر من الهم والضيق منه .,,,,,,,,,,,
واحد من اخواني جرحني بكلمة قاسية مرة كنت ما اتمنى اسمعها من اي واحد فكيف الأخ
هو سبق جرحني وشتمني لأبعد ماتتصوروا لكن غفرت لها كلها إلا هذي تدرون ليش لأنه قالها وابوي عنده وامي عنده ولا احد تكلم يمكن بس قال ابوي عيب هذي اختك المصيبة اني انا اللي اكبر منه بست سنوات
هو متزوج وتو جاته بنوته ومن بعد ماجاته هالبنت وامي رافعته فوووووووووووق ودايم اذا جبنا سيرته او كنت متضايقة تقول لي اللي يسب فلان(اخوي هذا) مااحبه ومن هالكلام ,,,,
انا فعلا حاقدة ع الكلمة اللي قالها وحاقدة عليه ..(لأن اصلا قال فلانه ما اتحاشا احتك فيها يبرر نفسه إنه صح) ومستغربة من حركة امي وابوي يعني انا ما اسوى شيء عندهم يوم يخاصمني هالاخ وهم جالسين هو معتبرني مجنونة مريضة نفسيا … وقالها بلسانه انت مريضة نفسيا ..
يارب انا ايش سويت عشان امي كل يوم تخاصمني وتهزئني وانا والله في بداية الثلاثين ,,,
كل شوية اقولها سامحيني وترجع لنفس الموال احاول انسى خصامها واسوي قهوة واتقهوى معها بس لما يجي هالاخ احسها ضعيفة عنده … المشكلة كان يخاصمها قدام ابوي وتسكت .. وكم مرة يعايرها بخوالها انت الفلاني لأنهم من قبيلة ثانية ,,, وهي ساكتة وكم مرة يقول لأبوي تزوج على امي وهي ساكته ,,
وآخرتها تفضلوا علينا ,, واقولها ليه تسكتي مرة تقول مايعرج يهرج ومرات تقول هذا ولدي .. وانا مين يعني ؟؟
هو ذاحين اذا جاءنا يعتبرني مثل الجدار عنده وانا اعتبره مثل أسوأ شيء قدامي لا نكلم بعض ولا نسلم ع بعض …
حتى مرة تغدى عندنا وكنت ابعطيه صحن السلطة اقول خذ يا ….. وما يرد وكررت مرتين ولا رد .. قلت لأختي شفتي كيف قالت لا كان لاهي الله اعلم ,,,,,,,,,,
انا ما ابغى هالأخ ابغى أمي تتجنب تسبني … صارت تخاصمني كأني ام 15 سنة حتى لما اجلس ع النت تسب وتعلم ابوي
هم يدخلوا النت ويدخلوا مواقع مدري ايش هي ,, تركت ادمان النت يعني صرت اجلس قليل عليه واتجهت للتلفزيون والله مااتابع إلا برامج ومسلسلات خليجية ثنتين او ثلاث يعني مو ادمان وبرضو راحت قالت لأبوي ,,
ياناس اخواني يتابعوا افلام امريكية اكشن وربي شفت مقاطع لأن بعضها يحملوها من لابتوبي واقولها شوفي عيالك تقول هذولا عيال انتم بنات ,,,
وايش فيهم البنات عار يعني حرام عليهم يسووا شيء لازم كنس وطبخ وغسيل وكوي …
والله ما قصر حتى في شغل البيت ودايم تقول انتم وسخين ع ايش البيت نظيف بس لما يجووا البزورة كل وحدة مننا ترتب اغراضها وتسوي شغلتها لكن هي ماتبغانا نجلس مسحوا غسلوا كنسوا ,,
انا مدري ايش اقول ,,, مرة قالت لي أنت واختك فلانة انتم اكثر شيء دعيت عليهم تقصد يوم كنت في الثانوي كنت شقية وعنيدة وقتها .. وسبحان الله تزوجت مرتين ولا توفقت وتعبت وصرعت والوظيفة مالي حظ فيها لي اكثر ست سنوات متخرجة ولا جاني تعيين …
ولما قالتلي هالشيء أصبت بشيء من الاحباط … لكن مازلت ادعي والحمد لله ,,,,,,,,
ايش اسوي تعبت وانا افهمها والمشكلة حتى ابوي انتبه للنت هو يدري اننا نجلس عليه لأن من زمان من اكثر من ثلاث او اربع سنوات والنت عندنا بس مدري ايش صاب امي وليه تعلم ابوي بكل صغيرة وكبيرة
ذاك اليوم دخل علينا الغرفة ويقول خلوا امكم تتابع التلفزيون قلت انا لي مسلسل الساعة الفلانية
طيب يا أمي تتابعي خالد الجبير والعريفي والعوضي وقناة بداية والمحاضرات ولا تعدلي وتقسي علينا نحن يالبنات ,,,
تعبت وربي ما ابغى اطول لساني اكثر ,,, ابغى رضا الله ثم رضاها هي وابوي
وبرضو ابغى اهلي يحبوني يفكروا فيني لا يفرقوا بيننا وبين الاولاد
ابغى احس إني بنتهم فعلا
,,,,,,,,,,,,,,
يابنات انا زواجي الثاني كان طلاقي منه ظلم وربي وانا قلت لطليقي انت ظالمني قال ادري لأنه كان يهددني بالطلاق ,,لسى ما كملت سنة على طلاقي الثاني …, الله يحرق قلبه اما طلاقي الأول لا انا طلبت بسبب رفقاء السوء وقلة الدين والصلاة
ساعدوني وادعوا لي وانصحوني واعتبروا هالكلام نابع من قلبي
اختكم
دلع رووحي
