محبوسة فى سجن

السلام عليكم اختى ام باسل
انا شوفت نفسى وكانى محبوسة فى سجن وبقوم باعمال السجن دة وكنت بنظف الارض وبمسحها وانا قدام باب رئيس السجن فوجئت بشخص جاى والشخص دة انا اعرفةانا بصيتلة ومش كلمتة ولاهو كمان كلمنى وعدى من جنبى وكانة ميعرفشنيش ودخل عند رئيس السجن
وفجاة لقيت نفسى فى بيتنا والشخص دة موجود فى بيتنا ومع بابا وماما واخواتى وكان بيكلمهم بس معرفتش بيكلمهم فى اية بس كنت خايفة انة يقول انى اعرفة او انى كنت بكلمةوبعدين لقيتة بيسلم على بابا وماما وهو فرحان وكان بابا كمان عادى جدا معاة وفرحان ولقيت بابا جاى ناحيتى وكان هيقولى حاجة بس لقيت نفسى بقولة هقولك كل حاجة لقيتة بيقولى تقولى اية دة جاى يتقدملك ولقيت خوفى وحزنى الشديد اللى كان موجود اتقلب لفرحة

الشخص دة واحد كان عاوز يتقدملى وبعدين رجع قالى خلينا اخوات انا مش هقدر ارتبط دلوقتى خالص يمكن بعد 5 او 6 سنين اقدر افكر فى الارتباطوياريت تفكرى فى حياتك وربنا يوفقك وانا متكلمتش وسكت وبقالنا مدة طويلة مش بنكلم بعض
ويصراحة انا حسة ان الحلم دة وراة خير لانى صحيت وانا فرحانة اوى
الحلم دة كان بعد ماصليت الفجر وقعدت قريت قران كريم
اسفة انى طولت عليكى بس يارب يكون تفسيرة خير زى مبتمنى وقلبى حاسس