عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😆 idea:السلام عليكم00 😆 🙄
كيفكم حبيباتي؟؟ بصرااحه في موضوع شاغلني ماابغى اقول مشكله لأني وااثقه اني بألقى الحل عندكم
والله ماادري كيف اعبر؟؟ واوصلكم الي بخااطري بس ان شاءالله اقدر00 انا اخترت انزل موضوعي هنابهالقسم لأني اثق بأراائكم وابغى مشورتكم خصوصا
الي عندهم خبره00 ومروا بهالحاله00 بإختصار انا من زمااان كانت ومازالت امنيتي بأن احفظ كتاب الله وتوكلت على الله وعزمت عزيمه صادقه انسى كل محاولاتي السابقه والفاشله كان حفظي عشوائي احفظ وانسى المهم كانت اول خطوه اني اختاار داار تحفيظ قويه وشديده عشان انجز بالحفظ وانضبط
المهم بفضل ربي التحقت بداية شهر11 ذي القعده والآن احنا بنهاية شهر 4 بدأت من البقره وحاليا انا ببداية الأعراف يعني قرابة ست شهور وحفظت الى الآن ثمانيه اجزاء مشكلتي تتلخص اني معد اقدر اكمل يابنات 00 حاسه اني ضغطت على نفسي وكل سوره مااخذت حقها من الوقت صحيح اننا ماشين على جدول
حفظ ومرااجعه وتقييم مستمر بس صرت اواجه صعوبه بالحفظ اول كنت احفظ كم وجه باليوم الحين وجه وجهين ويالله00 احس كأني احفر بصخر وخصوصا ان معي ((صداع نصفي حااد(شقيقه) ومزمن من سنوات))وبصراحه مأثر على نفسيتي جدا وهاد حيلي بس كله بأجره ان شاءالله00 ولكني تعبت شايله هم السور الي حفظتها بديت انسى احس حفظي داخل على بعضه يعني استحاله اسمعلك آيه من اي سوره بدون مافتح المصحف والقي نظره عليها00 مااقدر استرسل بالقراءه بالغيب00 ماني قادره اصلي فيها كل مااراجع سوره واختبر فيها واتمكن منها ابدأ باللي بعدها وتدريجيا ابدا انساها00 ماني قادره اجمع كل السور مع بعض
والسبب من وجهه نظري الضغط في الحفظ00 احس اني قاعده اضحك على نفسي00 كأني انفخ بقربه مفقوعه!!تعبت والله تعبت من تأنيب الضميراحس ماني حافظه شي00 لما اسمع امام المسجد بالصلاه يقرا من الأجزاءالي حافظتها احاول اكمل معااه مااقدر00 ابدأ اتعتع0 اغلط هويسترسل بالقراءه ماشاءالله وانا لسه احاول اكمل واتذكر الآيه00 ارجع اتحطم اقول قال حافظه قال؟؟ ناس تقولي لاتقسي على نفسك00 ناس تقول شي طبيعي دامه اول حفظ لك انتي على طول الله يهديك تبغين تصيرين مثل الأئمه؟؟ ناس تقول هذا من الشيطان يقولك وقفي راجعي انتي مو حافظه لاتكملين حفظ ماادري تعبت فقررت قراار اني افصل من الداار(وخايفه اندم :(على تهوري) واوقف حفظ ابغى اتعهد الثمانيه اجزاء واراجعها على روااقه اعطي كل سوره حقها من المراجعه كل شهر اخصص سوره البقره شهر آل عمران شهر وهكذا00 وابدأ اركز جهدي بكل سوره بالصلاه 0 بالقراءه00 احسن من اني اكمل وانا بهالنفسيه وشايله هم ومتوتره مع ان قرار الفصل صعب علي والأستاذه راافضه تماما اني افصل ومره قلتلها بالترم الأول بفصل كنت لسه بآل عمران هههههه ياحليلي غسلت شرااعي لاعاد تعيدين هالكلام مره ثانيه00 والحين انا بمنتصف الترم الثاني وواصله الأعراف ورجعتلي الحااله بشكل اقوى00 ومني قاادره اكمل حفظ واركز بإختباراتي لأن قرااار الفصل يدور براسي ابغى اوقف حفظ وابدأ بمرحله التثبيت ثمانيه اجزاء ثابته احسن من 15 جزء بحفظ ركيك00 والحين اترك لكم المجال ابغر رأيكم هل تفكيري سليم؟؟ بنات والله كل وحده ترد بفرح بردها00 بتفرج كربه انا ماحطيت هالموضوع الا من باب ابغى استشيركم ((ماخاب من استشار))00 والحين ادري اني قرقرت على روسكم 😈 وطولتها وهي قصيره بس حبيت افضفض لكم واصارحكم بالحال00 هل الوضع الي امر فيه طبيعي؟؟ ولا انا فعلا انا مضغوطه و بحاجه اني اوقف00 هل سبق ومريتوا بهالحاله00 اصحاب الخبرات تكفون طلبتكم00 وبالنهايه حبيباتي أسأل الله لكم سعاده لاتشقون بعدها ابدا00لاحرمكم الله الأجر00 اختكم ❗ بقاايا حلم:D
عن wassemf77
شاهد أيضاً
من تبدأ معاي في حفظ سورة البقرة قبل رمضان؟
السلام عليكم ورحمة الله وبركاته كثير من الناس إذا سألناهم عن حفظ القران قالوا ودنا …