محتاجه احد يسمعني ويحس فيني تكفون

سلام عليكم
كيفكم يافراشات ربي يسعدكم
بصراحه كالعاده تضيق فيني ومالقى غيركم اشكيله او افضفض له
بس اضطريت اغير نكي عشان الي يقربون لي هنا مايعرفوني
كله الا الفضايح
مادري من وين ابدا لكم بس مشكلتي بالحياه كلها هي امي
تعبت اتعامل معها وصلت اني احيانا ادعي عليها
تعبتني كرهتني باليوم الي انولدت فيه كرهت اني عرفتها امي
يمكن الكثير منكم يستاء من كلامي
بس بقولكم بعض من تصرفاتها معي واتمنى ان تشورون علي بالحل
اول شي امي مدمنه شي اسمه (ششات)
تخيلوا 24 ساعه قاعده بغرفتها ومقابله ذ1 الشات
تسولف وتستهبل مع انها مو صغيره بالعمر عمرها 46
والمشكله ان اخواني دايما فوق راسي وكل شي يصير
ماترردد بانها تمد يدها علي
تصدقون يبنات وش امنيه حياتي
امنيه حياتي اعيش بس يوم واحد من غير صريخها او هواشها
حياتي صارت كلها دموع×دموع والسبه هي
ومن كثر ماهي كل يوم تضربنا وتصارخ علينا وربي يبنات
اننا صرنا معروفين بالحاره
كل يوم يسمعون صوت صياح وصريخ طالع من بيتنا يوصل صوتها للشارع تخيلوا
فضحتنا بالحاره,, اخوي يقول افتشلت من ربعي كل يوم صريخ وهواش
ابووي جاله السكر من فعايلها اخرتها يطق تذكره ويسافر برا يشرد منها
واحنا بالله وين نشرد منها
اخرتها امس وصلت معي قلتلها ليتني متزوجه يمكن عيشتي تهون عن هالعيشه
اي ام يمكن تقولها بنتها هالكلمه يمكن تحس
اما انا راحت ضربتني وصارت تدق على كل اخواتي المتزوجات وتقلهم اختكم تبي الزواج الداشره جيبوا لها لو باكستاني
ونمت ومن صحيت لقيتها فاضحتني عند كل اخواني واجي عندها وتقول لاخوي زوج اختك ذي شكلها مو قادره تتحمل الا بتتزوج
قلتلها يعني انتي مو امي ماعلمك عن الي داخلي
قالت لاتعلميني لو تعلمين الغريب احسن من تعلميني
ماتدري اني قلت هالكلمه من حر الضرب والاهانه الي كل يوم مع اني كبرت ع الضرب عمري 22 سنه
وربي يبنات شخصيتي تحطمت بالجامعه اي بنت تقلي كلمه اجلس اتحسس منها
خوياتي كلهم مستغربين مني ومن تحسسي مايدرون ان امي حطمت نفسيتي
وبتلغي شخصيتي بضربها لي
وربي اني اكتب هالموضوع وماحس الا بدموعي الساخنه تطيح على خدي
تعبت يبنات والله تعبت
الحين من فضحتني بالبيت وانا حابسه نفسي بغرفتي مفتشله اطلع اشوف اخواني وابوي
مادري هي عدووه ولا ام يارب صبرني
اتمنى ان الاقي حل عندكم يافراشات وربي يسعد كل من ترد علي ويرزقها كل ماتتمنى بها اليوم المبارك
لاني من جد محتاجه احد يسمعني ويواسيني ضايقه فيني الدنيا
يارب رحمتك يارب
لاني محتاجه احد يحس فيني ويرزقها كل ماتتمنى بها اليوم المبارك