عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اخواتى واكتر من اخواتى
محتاجه لحد يفهمنى ويشور عليا بمشورة
صح
انا اترددت قبل مااكتب موضوعى دا
طبعا هاحكى للى مش عارفنى انا اتجوزت وانجبت بنتى جنا بعد سنه جواز
وبعد جنا اربع سنين بحاول وربى مش رايد اربع عمليات تنظير واستكشاف وكى وتثقيب وانابيب
الحمد لله الحمد لله على كل حال
وربنا اكرمنى بالحمل تانى بعد كتير من الدكاترة ماقولى احمدى ربك على بنتك
الدكتور الى عالجنى لقى عندى بطانه مهاجرة الله يكفيكم شرها وشالها وتكيس شديد وانبوب مسدود والتصاقات قالى الحمل بالنسبه ليكى صعب بسبب البطانه الى بتتكون مع دم الدورة كل شهر وبتكبر
انا والده ليا شهر وعشرين يوم دلوقتى وتعبت جدا بس الحمد لله
سوالى انا مش عارفه امنع نفسى من الحمل وارجع ادوخ تانى علشان احمل
ولا اسيب نفسى واروح اتابع زى ماقالى دكتورى وكدا هاقصر بحق ابنى وبنتى
ولا الحمد لله وكدا كويس
مش عارفه اتخلبطت وخايفه اعمل اى خطوة واندم تانى عليها شورا عليا انتم اخواتى واكيد هاتحبولى الخير
بانتظار رددوكم
الله يسعدكم ياااااااااارب
