محتاجه لنصيحتكم ..

السلام عليكم ورحمه الله وبركاته
أسعد الله اوقاتكم بكل خير فراشاتي الحلوات
الحقيقه انا اصبح وامسي عليكم اليوم وان شاء الله كلهم يارب كدا بخير وبصحه
بنات انا ابغى استشيركم بحاجه كدا بس ان شاء الله تفيدوني
انا بقولكم على الموضوع وياليت كل واحده تدخل تساعدني فيه
انا طبيعه شعري ناعمه بس فيه تموجات طبيعيه يعني لما اغسله بمويه على طول يتلفلف من حاله
وحساس شويه كان زمان مره طويله وغزير وحلو مره والله يابنات لدرجه انه كان يتعبني
لكن بسنه من السنوات قررت اسوي رجيم كميائي حتى انزل شويه كم كيلو من وزني
بس صحيح نزلت لكن كمان نزل معاه شعري
انعدم مررررررررررره وصار خفيف مره وضعيف وحتى لونه كان كستنائي صار مادري كيف كدا اشهب زي اللون اللي يكون للشعر لما يجلس بالشمس كثير وماني عارف ايش اسويه
الكوفيرا نصحتني اني اقصه وانا اول كنت مستخصرته بس بعدين قصيته مره قصير قصه الفروله
والحين احسه شويه تحسن بس نفسي اطوله زي اول وخايفه اطوله يرجع زي اول ضعيف وتالف
الله يسعدكم ياحلوات اللي عندها خلطه تقدر تساعدني فيها بتطويل وتغزير الشعر او حتى نصائح بشرط تكون جربتها تعطيني لانه انا دورت ولقيت خلطات بالهبل بس كلها مو مجربه وخايفه بصراحه اجازف فياليت اللي عندها خبره تفيدني بهذا الموضوع واكون لها من الشاكرين
معليش طولت عليكم بس سامحوني واتمنى تفيدوني ….
لكم محبتي
وميض الخيال