عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
مااعرف كيف أبدأ,, لكن ممكن اقولكم اني محتاره من نفسي..
أنا اعرف شخص صار لي 3 سنين أعجبت بشخصه وعقب سنه قلت لصديقتي المقربة لي عنه وقلت لها اسمه ومن باب المساعدة وخوفها علي لأني بصراحه طيبه بزيادة وعلى نياتي يعني سهل اي حد يخدعني سألت عنه فعرفت انه متزوج واهو مفهمني العكس واجهته انكر وبعدها اعترف المهم ماحبيت استمر معاه لانه كذب علي. تركته وقسيت قلبي عليه وبالفعل نجحت قرابه سنه… بس بعدها صار يطرش لي مسجات ويحاول يتصل طبعا اهو من قبل كان يطرش لي بس انا مطنشه لكن بعد السنه كنت فقد ارد على مسجاته اللي كانت من شهر لشهر او اكثر يعني فترات مب متقاربة المهم سافر هذا الشخص ليكمل دراسته ومن هناك طرش لي مسج رديت عليه وحسيت اني حنيت له وايد مع انه في قرارة نفسي حاسه انه يخدعني وانه يتسلى وواجهته بهذا الكلام الا انه حلف انه يحبني وماقدر يبعد لو حاول بعد 3 شهور رجع في اجازه بس أهملني يعني مايتصل ولا يطرش مسج لازم انا اللي اتصل كرهت هالحاله وقلت له ينساني واني بابتعد وبنساه لكن المشكله اني مااقدر وكل مره افشل ماتمر 3 ساعات الا طرشت له مسج الومه على اهماله ويتعذر لي بأنه عنده مشاكل في تجارته ومشاكل في البيت.. انا محتاره وياه مااعرف شو ابغي وليش انا مستمره في هالعلاقة ولو فكرت انه مثلا اذا تقدم لي هل بوافق عليه وبقدر اعيش كزوجه ثانيه ؟؟كانت اجابتي على هالسؤال لالالا لاني مااتخيل احد يشاركني فيه مع وجود كل هالاسباب اللي ماتشجعني اني استمر معاه الا اني مب قادره ابعد بالفعل ودايم اسال نفسي ليش قدرت قبل وكنت بالفعل ناستنه ومتجاهلتنه حتى لما يطرش مسجات واحين مب قادرة حتى لو يوم واحد أبعد عنه
شو اسوي قولوا شغلت نفسي بأهلي وبالنت بس ماقدرت انساه لاني بالفعل متعلقه فيه لدرجه اني لما اشوفه احس قلبي بيطلع من شدت ضرباته اول مره احس بهذا الشي مع اني سابقا كنت مخطوبه لولد عمي وكنا نحب بعض بس صارت ظروف ابعدتني عنه وفشل مشروع زواجنا ومع ذلك ماحسيت بهالمشاعر اتجاه ولد عمي مثل ماحسيته مع هذا الشخص
مأأدري اذا قدرت اوصل حيرتي وقدرتوا تفهمون مشكلتي انا متشتته ذهنيا من جد…ياليت تساعدوني
