محتارة وابي منكن ااستشارة

انا عضوة جديدة بالتسجيل بس من مرتادات المنتدى ومستفيدة منه

ودي استشيركن وخاصة صاحبات الذوق الرفيع

انا بالشهر السابع وشاغلتني سالفة التجهيز للنفاس واستقبال الضيوف

والمشكلة زوجي مو من النوع المتفهم وعجااااز درجة اولى

يعني ماراح يخدمني ولا يساعدني بالمشورة والتخطيط

يقول بلا خرابيط ➡

حتى اخواني اثنين واحد برا الرياض والثاني دوووام واناني بنفس الوقت يعني ماراح ينفعني

وودي بشي يرفع راسي قدام الحمولة مابي اكون اقل منهم

لانهم يدهرون بنفاس بناتهم ويجيبون جهدهم

وبالنسبه للسواق او السيارات الاجرة ممنوعه منها

يعني ابي منكن تشورون علي وش اسوي بحياتي

لا زوج ولا اخوان

وش اسوي اكلم بالتلفون واطلب على عماي ولا وش اسوي ؟؟؟؟

بتقولون وش تخربط علينا ذي بس والله من حر ماوجس

وهـ 🙂

هقوتكم البنات اللي يسوون مثل كاجو وهدى الربيعه كيف اتعامل معهن ووين لي بارقامهن

واي شي مضمون لي كيف اشوف لهم شي مسوينه قبل ..

محتارة وابي منكم استششارة