عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله وبركاته
اخواتى الفراشات انا فعلا محتارة جدا وربنا وحده اعلم بحالى يمكن بعد ما تقروا الموضوع تحسوه عادى لكن انا بس مش محتاجة غير رايكم
الموضوع باختصار انه انا بعد ماخلصت الكلية “انا باشتغل فى مجال الكمبيوتر” اشتغلت فترة فى احدى الاماكن الخاصة وانتم طبعا عارفين عيوب الشغل الخاص من ارهاق رتعب وكمان كان بعيد شويه عن البيت لكن رغم ذلك اتعودت عليه وحبيت كل زمايلى فى الشغل
عشان بطولش عليكوا بعد تقريبا “10 شهور” من الشغل احد اقاربنا عرض على وظيفة المفروض حكومية لكنها مش فى نفس مكان سكنى هى فى محافظة تانية المهم سكنت فى نفس مكان الوظيفة و بقيت اسافر كل اسبوع
بصراحة الشغل يعتبر راقى لكنه غير مجدى ماديا…. بالكاد بيكفينى وغير كده انا بالعقد يعنى لسه متثبتش فى الشغل ومش عارفة اصلا هيثبتونا امتى
انا محتارة جدا وعايزة رايكم ساعات بقول هسيب الشغل واقعد فى البيت مع اهلى بدل الغربة والبهدلة وخايفة كمان يكون الى بعمله ده حرام
وساعات تانية بقول محدش لاقى شغل وكمان فى مجالى وخايفة اكون ضيعت الفرصة دى عليه
ارجوكوا انا فعلا فتحتلكم قلبى واتمنى انى الاقى الحل عندكوا
عن mehdirahim
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …