محتاره في خطيبي اوافق او لا؟

السلام عليكم
حلمي [ان في يوم ملكتي دخلت اختي على خطيبي بدل مني عشان انا كنت رافضة ادخل فطلب انه يكلمني عشان يعرف اذا انا موافقه عليه او لا بس لما كلمني كنت مره فرحانه وقلت له ان يجي في اليوم الثاني عشان نتقابل وفي اليوم المحدد انا كنت مستعدة ولابسه افضل ماعندي ولكن اتفاجئت ان اللي جاء خالي اخو امي فتصلت عليه قال انا ذحين جاي وفعلا جاء وهو كان كمان مستعد ولابس ملابس مره حلوة اختي واخويا بعد ما راح كانو يمدحوا في لبسه بس الغريبه اني انا ماانتبهت للبس بس كنت جدا فرحانة وانا قاعدة معاه وجاء مره ثانية في اليوم اللي بعده وكنت ايضا مره فرحانه بس المشكلة ان يوم الزواج كانت الزفة مره مهي حلوة وكنت ابكي وقتها عشان ماطلعت حلوه
انا مخطوبة وادرس في قسم شوي صعب <طب>المهم كل ما يخطبني احد ارفض عشان خايفة مايساعدني في العلم ولكن خطيبي قال انه حيساعدني بصراحة انا احيان احس نفسي اني موافقه ولكن احيان اغير رأي واقول ليه انامستعجله ليه ماارفض يمكن يجي من هو افضل منه ومتعلم عشان يقدر ظروفي واكون ناويه عن جد اكلم اهلي بس اتردد
جزاك الله خير ياام باسل وياليت تفسري هذا الحلم