عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قضيتي بإختصار انا متزوجه من رجل اكتشفت بعد 8 اشهر من زواجي منه انه يدخن الحشيش
وانا شفته بعيني وانصدمت وهو تلبك وضاعت علومه يحاول يصرف بس ماقدر
انا سألته قلت وش هذا يقول لي نوع من الدخان
بس انا تأكدت انه حشيش
يوم درى اني كشفته
قال لي هذا واقعي تبين تعيشين معي ولا براحتك
المهم انا قلت له دقيقه وحده مااجلس لك بالبيت وصعدت فوق وجهزت شنطي الا وشوي يصعد وراي
ويمسح على راسي ويقول لي يابنت الناس لاتتركيني لحالي وانا ابيك واحبك لاتخليني
ولاتاخذين كل اغراضك لانه بخليك اسبوع في بيت اهلك وبرجع اخذك بعد ماترتاحين
المهم انا مارديت عليه
اخذت لي شنطه وحده ورحت لأهلي والان لي 9 ايام في بيت اهلي لااتصل ولا رسل يبرر موقفه او يعتذر
انا تعبانه من التفكير وش اسوي معقوله اتطلق مره ثانيه ؟
لاني كنت مملكه على واحد وفكينا العقد قبل الزواج
ماادري وش اسوي الان
ماخبرت اهلي بأي شي
وانا نفسيتي تعبانه بالحيل
يارب فرج همي وهم المهمومين يارب ياكريم ياغفور
