عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يا بنات اليوم جايبالكو اكل دسم شوية يعني عايز بعده بيبسي حجم عائلي
المقادير
رز مغسول كويس
خضروات محشي اللي هي
بقدونس شبت كوزبرة خضرا
طماطم متسبكة
بهارات
ملح
كمون
شطة
الطريقة
انا مكتبتش في المقادير تسبيكة المحشي لاننا كلنا عارفينها هكتب الطريقة
بصل حوالي 3 ونفرمهم كويس عشان مايبنش في المحشي
ونحط عليه زبدةوشوية زيت ونخليهم ع النار لحد ما يكون لونه مائل للبني الفاتح
نحط الطماطم بعد ما نضربها كويس ونضيف عليها شطة ونضرب مع الطماطم فلفل اخضر
وفصين توم
وبعد كدا نحطهم علي البصل ونشيف الملح و الكمون والبهارات
ولما تتسبك نحط الرز والخضروات عليه ونقلبهم مع بعض كويس
وهما علي النهار لمدة دققتين تلاتة
ونحشي بيهم بتنجال او فلفل
ورق عنب
ونرصه في الحلة وهوواقف ونحط عليه الشوربة ولحد ما يتشرب نوطي عليه لحد ما يستوي
وطلع كدا
القلقاس بالسلق
اولا نقطع السلق زي الورق بس ونغلسه ونهويه كويس لحد ما المية تنشف زي الملوخية
ونسيح زبدة ونحطه عليها ونفضل نقلب فيه لحد ما نحس انه نشف شوية
ناخدو ونحطه في الخلاط مع شوربةونضربهم كويس
ونركنه شوية لحد ما اخلص القلقاس وطريقته سهلة
نقشره كويس ونغلي مية ونحطه فيها ده طبعا بعد ما نقطعه مكعبات
بعد ما نحطه بعدها شوية ناخدو ونشطفه كويس تحت الحنفية هيكون مش مستوي
بعد ما نغسله احط شوربة في الحله واخليها تغلي احط فيها القلقاس
وبعدها يتسوي احط السلق واهرس فصين توم ونطشهم زي الملوخية ع القلقاس
تحميل
تحميل
الرز
طبعا مفيش اسهل منه
نسيح زبدة ونحط فيها شعرية لحد ما تاخد اللون اللي احنا عايزينه نغسل الرز
ونضيفه للشعرية ونقلبه ونحط ملح قليل لان الشوربة ملحها كويس
ونضيف الشوربةاو مية زي ما تحبي ولما يتشرب نوطي عليه لحد ما يستوي
الفراخ
طبعا سالقينها كويس
ونكون مقطعينها في صينية اربع طقع وندهنها بالزبدة ونرش عليها فلفل اسود وملح وكمون وشطة صغيرين
ونحطها في الفرن ونحط في الصينية شوية زبدة
وبتطلع كدا
تحميل
بالف هنا
