عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اللهم صلي وسلم على نبينا محمد
أنا أحب محشي الملفوف بس متعب وأنا أفرفر في المنتديات لقيت محشي ملفوف غير شكل على قولتهم
عجبتني الفكره وقلت لازم أطبقها وأذوق جاراتي حبايب قلبي بس أنا عملتها في صينية الكاب كيك الصغيره
المهم قلت لازم كمان أحطها لأخواتي في المنتدى عشان يستفيدو حب لأخيك كما تحب لنفسك.
الطريقة ناقلتها لكم من منتدى أخر لوحده إسمها أم طلال الله يجزاها خير ويوفقها :
المهم فكرتي اليوم اختصار للوقت والتعب واللف وقدميها وانتي مبسوطه طبعا انا قد شفت محشي كرنب
في صينه بس ماعجبتني فكرته في صينيه كبيره ماله داعي فكرت اسويه في الكب كيك افضل واشيك وكل
واحد ياخذ حبه مررره صراحه ررررروعه والاهم انها سريعه المهم انا خطرت الفكره لي يوم كان عندي عزيمه
وكنت ابسوي سبرنغ رول بس ماابغي الكرنب يخرب الباقي وكانت عندي حشوه للمحشي جاهزه في الفريز
وانا ماعندي وقت الف محشي فقلت يبنت ويش تسوين امممم والا افكر واشوف الصنيه وقلت اسوي كرنب
في الكب كيك واسويها طبعا طلعت الحشوه وسلقت الكرنب باليل وثاني يوم حشيته علي السريع وطبخته
في الفرن وهذي الصور للتوضيح :
الطريقه ياحلوات بالتفصيل :
تسلقي الكرنب وتقطعي عروقه وتجهزيه وبعدين تكونين مسويه الحشوه
الي هي لحم مفروم ورز مصري منقوع وبصل وطماطم مقطع صغير وشبت وكزبره مفروم وبهاراتك
تكشني البصل والثوم وتحطي اللحمه وتقلبي لين تنشف مويتها وتحطي البهارات والطماطم والصلصه ومكعب
ماجي والرز وبعدين الشبت والكزبره وتطفي خلصنا بعدين ترصي الكرنب في الصينه طبعا تحاولي تغطي
الجزء المقطوع مكان العروق واحشئ وبعدين تحطي كاسين مويه حاره وتذوبي مكعب ماجي فيه وصلصه
ملعقه ودبس رمان ملعقه صغيره وزيت زيتون وليمون وتحطي مقدار فنجال قهوه في كل ملفوفه لين تغمرينها
وتغطينها بالقصدير وتدخليها الفرن الين ينشف المويه تقريبا ساعه وطفي عليه ولا تقلبيه علي طول خليه
شوي وبعدين قدميه وسلامتكم .
م/ن
