عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ماراح اطول حدخل في الطبخه على طول
مختوم دجاج
طبعا احنا عائلة فسويت كمية كبيرة
اول شي دجاجتين تقطيعها
و3 طماطمات برضو تقطيعيها حلقات مو رفيعة ولا سخيفة
بعدين تجيبي صينية تنفع تدخل الفرن وتحمري فيها بصلتن و5 فصوص ثوم مع شوية سمن ومكعبين ماجي لين يسير لونها برونزي
بعدين تحطي الدجاج الي قطعتي وخلي شويا لين يسير تستوي شويا يعني حق 15 دقيقة بس لايتلسع بعدين نجي للخلطة
وهيا عبارة عن علبتين لبن زبادي ونص لبن شرب اكتيفية مو الكبير لا الي يجي وسط وتحطي تقريبا 6 او 5 فصوص ثوم زي ماتحبي ونص ملعقة كبيرة معجون طماطم وتحطيي ملعقة كبيرة إبزار مجمع واستخدمو في كل الطبخات
والإبزار المجمع تقريا هوا عبارة مصمار وكمون وفلفل اسود واشياء تانية
بس لازم تحطي شوية بودرة زعفران عشان يسير لونو شويا اصفر
وبعدين تحطي الخلطة زي ماهيا فوق الدجاج و تحطي الطماط فوقها تخليها على النار شويا تقريبا 10 دقايق
بعدين تولعي الفرن من فوق وتدخليها وانتبهي لها بس تتحمر عشان لاينحرق الدجاج
وبالعافية
• بالمناسبة ترى انا مااعرف اوصف اكلات ان شاء الله تكونو فهمتو عليا
