عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ..
كيفكم بنوتات , وكيف الدراسه معاكم ؟
بغيت اطلب منكم طلب صغيييييير واتمنى ماتردوني
انا بصف اول ثانوي . ومايخفى عليكم الضغط اللي نعيشه من المدرسات
يا اختبار ياتحضير مواد وشرحها . هذا غير الدروس والمواد الجديده علينا
فقلت مالي الا اجيب مدرسه .. وللامانه كان عندي مدرسه للرياضيات والقواعد بالصف الثالث متوسط
بس شرحها مو ذاك الزود فانا جالسه ادور لي مدرسات خصوصيات متخصصات
وهي كلها 3 مواد اللي احتاج لها معلمات
كيمياء
فيزياء
رياضيات
باقي المواد احس اني ممكن امشي فيها
ولو احتجت مدرسه راح الجأ لكم على طول “آذآ مىفيها كلافه”
بس ياليت يكون فيه امانه بالموضوع
يعني اللي ودها تستهبل وتحط لي ارقام مدري من وين جايبتها
تفكني من استهبالها ولا تأجله لعطلة الحج <- عشان تتفضى للهبال خخخخخخخ
وياليت تضيفون لي معلومات عن المدرسه غير رقمها
يعني جنسيتها .. وهل هي متخصصه او لا
وتقدر تجي عندي بالبيت مع العلم بيتي بالصحافه “الرياض”
ومن متى وهي تدرس .. يعني خبره ولا توها
واخيراً كم تاخذ وللعلم اني بحاسب اخر الترم يعني مو يوم بيومه
الا اذا كانت مرررره شاطره بالشرح ومستعجله ممكن نتفاهم على وقت الحساب
بس خلاص خلصت <- اخييييييييييرا
.
انتظركم حبوبات لا تتاخرون علي
