مدري ايش اسوي خطيبي وانا

اليوم خطيبي جا يتغدا عندي في البيت وابوي عارف انه جاي المهم لمن وصل عند الباب اتصل عليا قلي انزل افتحي الباب انا تحت نزلت وفتحت وسلمت عليه وطلعنا فووق ابوي انصدم لمن شافه داخل البيت طبعا هوا مادخل البيت من نفسه دخلته انا وقلتله تفضل المصيبه صرت احس ابوي يضايق من جيته مع انه يحبه كثير ويحترمه حتى خطيبي ( زوجي ) يحس نفس الاحساس
كل مراا لمن يجي لازم لمن يمشي اكون انا مضايقه بسبب تصرف من ابوي او انه انا عشان حساسه بس خطيبي صار يحس كثير انه مضايق اهلي وانا اقوله لا عادي انت لا تتحسس هما عادي وزي كده
ولمن دخلنا نتغدا انا وهوا واخويا ابوي زهم امي وقلها كيف دخل البيت ومين فتح الباب الي تحت له امي حاولت تداري الموضوع وقالتله انه بنتك نزلت فتحت له الباب من اول وطلعت ولمن جا حصل الباب مفتوح وطلع فوق واحنا استقبلناه عند باب الشقه وخطيبي حس من الجلسه انه مضايقهم وكداا المهم قمت حطيت له الغدا وتغدا ومشي بعدها ع طووول
لمن وصل البيت دق عليا وجلسنا نتكلم قلتله ايش فيك مشيت بسرعه قلي ابوك مضايق مني ومن جيتي عندكم قلتله لا مين قال قلي واضح عليه وهوا واخوكي الكبير والصغير قلتله انت لا تحسس قام قلي انتي ايش قلتيله قلتله ماما قالتله انه انا فاتحه لك الباب من اول وانت لمن طلعت فوق انا استقبلتك قلي ليه ماتقولي لأبوكي انه انتي الي نزلتي فتحتي الباب قلتله مابدي انه يعصب عليا قلي حطيتيني في موقف محرج قلتله لا محرج ولا شي
وبيني وبينكم انا نفسي صرت احس الاحساس هادا منهم قام قلي لا تطلبي مني اجي نهائيا خلاص ببدأ انا ادور ع شقه واخلص امووري انا سككككت فتره طووويله وقلتله طيب الي تبيه راح يصير وانت هدي اعصابك دحين قلي انا ليا كرامه قلتله مااحد هان كرامتك وجلس ساكت بعدين قلي خلاص راح الكثير مو باقي القليل

انا عارفه اني الي سويته غلط انه كذبت على ابوي وقلت لخطيبي كدا بس ايش اسوي هوا دايم يقولي انزلي افتحي الباب عشان يسلم علياا وكل مااشوفه اضايق من شي احاول اسوي اي شي عشان مايحس انه اهلي مضايقين منه ماادري مدري ايش اسوي احس حالي محتاره ماادري ليه ونفسي مايكون بعيد عني يعني يكفي اني اشوفه مراا بالأسبوع وابوي مدري وش فيه صاير يدقق عليا في كل شي اذا كلمته في الليل يقول لأمي ليه تكلمه في الليل واذا سويت كدا ليه بنتك سوت كداا وع هادا الحال حتى انا ماصرت اتحمل انه ابوي يكون مدقق عليا في كل شي