عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا عندي مشكله واتمنى كل وحده تعطني حل ولو حل بسيط
مشكلتي
انو زوجي اي شي اقوله له يستخف فيني اي عمل اعمله اغلب الأحيان ما يعجبه
خلاااااص صرت اتنرفز
السالفه اللي خلتني انزل المووووضوع تخلو دائم يشوووف وحده بالتلفزيون ودايم يقول شعرها حلو
المهم بعد فتره طويله اكثر من سنه صبغة شعري وقصيته مثلها بصراحه الكل عجبه والكثير صبغ اوقص
مثل قصتي
اول مره شافه قال حلو واللحين بس يتطنز عل يقول موبحلو ومعفن طبعا مو عارف اني مصلحه نفس
اللي بالتلفزيون
انا خلاص بغيت اموووت منه قلت لو شايف وحده في مكان كان قلت صلحي مثله
واللحين بس لامه شعري ولا ابي افرده مررره نرفزني
هذا الموقف الأخييير
فيه كذا موقف مره صلحت حركه مضحكه في وحده من جماعتنا الكل مات من الضحك
ولمن قلت له عل الموقف جلس يقول حركاتك مالها داعي
اذا لبست شي و عجب الناس وجلست اقول له فلانه مدحت فستاني اولبسي
يقول بس يجاملونك ترا مو حلو بس يضحكووون عليك
تخلو صرت اعرض اغراضي على البنات هنا بالمنتدى عشان يركبووون معايه لبسي
ودايم يعجبهم لبسي نادر يعيبون عليه
قلت يمكن قرايبني يجاملوني البنات هنا مارح يجاملوني
انا احب العجايز وسبحان الله احسهم بعد يحبوني احب اعلق عليهم والله احيان اقوووم اروح مكان
ينادوني عشان اجلس اعلق عليهم وهم يموووتون ضحك واذا قلت فلانه يازينها احسها تموت علي
وانا بعد امووووت عليها يجلس يقول يضحكون عليك بس عشان ترفهين عنهم شوي
او يقول ترى تعليقك بايخ
من جد هز ثقتي بنفسي ويرفع ضغطييي مليون
اخر شي قلت له اذا مافيه شي عاجبك من طقك على ايدك وقال تزوجني
وعصب عليه
انا فكرت استخدم نفس اسلوبه واشوف وش راييه
والله يابنات لمن قال شعرك مو بحلو جلست ابكي من القهر
حتى احس اني صرت مثل الغبيه بس اي وحده تمدحني اروح اقول له على طوووول
الا اقنعه ان ما احد يضحك علي او يجاملني مع اني موذا اسلوبي بس والله مره صرت استغرب
حركاتي
بنات قلولي حلولو لو بسيطه مره طفشت منه
عندي وحده من خواتي ماشاء الله عليها حكيمه الا في هذا الموقف تموت ضحك علي وتقول طنشيه
بس والله اني طفشت من هالحاله
اكثر شي قهرني غييير طريقتي في الكلام واخاف شخصيتي تدهور
والله ما تتخلون كيف هذا الموووضوع متعبني
ارجكم عطوني حل
