عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
حبيباتي فراشاتي
مالي الا الله ثم انتم افضفض لهم ويمكن الغريب صار اولى اني اشتكي له بعد الله من القريب بهالزمن..
انا صايره نفسيه مررررره
يعني اذا صاروا الاهل مجتمعين ومستانسين يدقون علي اجي ومالي خلقهم اجلس بالبيت(انا متزوجه طبعا)
وما احب اطلع من البيت احب الهدوء…وما احب احد يجي لمي الا ماندر..ومزاجيه بعد
يعني لو يقول زوجي بكرا ابعزم صديقي ومعه زوجته يجن جنوني ما ابي احد ولا ابي اتعرف على احد
حتى لو على قهوه زملاءه اكره هالشي مدري وش فيني تلقوني اصلح القهوه من غير نفس
زوجي اموت عليه ومايقصر علي الله يخليه لي يارب حتى هو بنفسه يقول خلينا نطلع لو بالسياره نتمشى…بس للامانه معاه اطلع وين مايكون …بس انا اقصد علاقاتي الاجتماعيه متعقده منها
حتى لو كان زميلاتي اتحجج باي شي …وعلى فكره حتى بمكالماتي بالجوال او الثابت ما احب الرسميات والسنع وانا قطوع بالبنات والله استحي اذا دقوا علي ماارد مدري وش اقول لهم؟؟؟؟
معلش طولت عليكم بس تكفون فيه احد مثلي احس بجد مكتومه
انا موعاجبني حالي حاولت اطلع واروح واجي بس اذا رحت اكون متضايقه ودي ارجع للبيت
