عالم البنات النسائي كل ما يخص المرأة العربية من ازياء وجمال والحياة الزوجية والمطبخ
راقت لي لسمو الشيخ: أحمد بن محمد ال مكتوم
وأتمنى أن تنال على رضاكم وتطرب ذائقتكم
بالهداوه يا دوا المشتاق خذني بالهداوه
لا يزيد بك الدلع حتى حدود العنجهيه
لا تخلي بين طرفي والمنام اكبر عداوه
يا جمال اهل البداوه والضفاف الساحليه
احمرار الوجنتين وخد تضفيه النقاوه
مثل ما بدر(ن) كمل تحت العيون الساحريه
بين عيني والحلا في غيرك استار وغشاوه
مال غيرك في عيوني يا عيوني جاذبيه
كل هذا الكون والعالم بلا شوفك فظاوه
والحروف اللي بلا اسمك ما نسميها ابجديه
شوفني ضايق وجرحي منك لا تنساه داوه
قبل ما يكون الخفوق فحبك الطاغي ضحيه
يوم انادي لك بصمت الحب بوجود الخلاوه
قلبي المكسور من طول الجفا يفرض عليه
يا مشقيني معك ليت انتقاسمها الشقاوه
لين تعرف ما جرى وتحس بالاحساس فيه
يا حبيبي يا غرامي يا ظنيني يا غناوه
لا تخليني بقايا انسان ومشاعر خليه
دام فيك العطف واحساس الرخا خل القساوه
لا تخيرني ما بين البعد او حوض المنيه
اطوي صفحات العتب وافتح معي صفحه صفاوه
يا غلا احمد دمت لاحمد دام هالدنيا مديه
بالهداوة يا بعـد عمري عليه بالهداوة
مد لي كفك وصـال و خذ معك روحي هدية
((منقول
