مرت سنة .. سنتين .. ثلاث .. وحتخلص الرابعة

كيفكم فراشات ان شاء الله بخير وسعادة

والله خجلانة اكتب لكم موضوعي وصرت اخجل احكي فيه حتى بيني وبين نفسي

انا كتبت عنه قبل8 او 9 شهور ورديتوا علي مشكورين بس انا جباااااااااااانة ماقدرت اتكلم

والله الموضوع صعب علي ومااقدر مااقدر واهلي تعبوني الله يسامحهم لاهين في هالدنيا ولا احد درا عني

انا الهم طواني صرت جلد على عظم ووجهي شاحب وشعري يتساقط بشكل فضيع وزيادة كمان طلع لي

شيب 🙁 ابويا يقول اشبو جسمك كذا كأنك في مجاعة والخير متوفر وامي تقول شعرك حيصلع انتبهي

لأكلك وصحتك آآآآه يااهلي ماهمكم الا شكلي كان نفسي اقول هذا من الهم والاكل مايداوي الهموم بس

ماقدرت لاني لو افكر اقول اي حرف ابكي مااقدر اكمل يارب ارحم ضعفي قربت اربع سنين وانا معلقة

كل صحباتي يهاوشوني ويقولوا كلمي اهلك وليش اهلك ساكتين انا نفسي مااعرف ليش اهلي ساكتين

هل مو حاسين بهالسنين الي مرت والا يشوفوني صغيرة ومو مشكلة لو طولت والا مايعرفوا يتصرفوا في

هالامور ماادري بجد ماادري وبنفس الوقت مااقدر اني اكلمهم حاولت بمجرد مااجلس عندهم ابكي واقوم

قبل اتكلم هذه طبيعتي مااقدر اغيرها ..انا بعد اربع شهور حيصير عمري 26 والحال على ماهو عليه لما

يسألوني صاحباتي اش صار في خطبتك واقولهم ولا شئ يقولوا قربتي اربع سنين وماصار شئ!!! من جد

مايتصدق كأنه الموضوع ممسوح من ذاكرة اهلي واهله يارب ارحم ضعفي واعني على تدبير امري,,

كل هالكلام مايعبر عن شئ من الي في داخل كنت حكتب لكم الموضوع بالزبط بس تعبت نفسيتي

ياليت تدخلوا هالرابط الي كتبتوا من قبل عشان تفهموا السالفة من الاول..

http://satfrequencies.com/girls/alfrasha28/thread1533066/

ومااستغنى عن دعواتكم في ظهر الغيب ولكم بالمثل وسامحوني على الاطالة,,