عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
مرحبا أخواتي
طبعا مثل ما هو واضح من العنوان
كل حواءة >> حلوة حواءة
كل حواءة لازم تعطينا من خبرتها حركات الدلع علشان نستفيد طبعا نبي حركات خفاااااايف مو ليالي رومانسية يبي لها تعب و تجهيزات
ببتدي بعمري و بقول لكم حركاتي الخاصة : :h45r4
1) أكيد زوجج مل من قمصان النوم و الشيفونات بو 16 فتحة
جربي البسي تي شيرت
البسي تي شيرت من تيشرتاته بدون حمالات مع اندر وير Thong
و شوفي شلون عيونه بتطلع
2) لما يكون منسدح و مسترخي جدام التلفزيون و مندمج انزلي لبطنه و انفخي فيه ( مثل الحركة اللي يسوونها للأطفال الصغار ) راح يطلع صوت يضحححححححححك و راح يتدغدغ و يموت ضحك
3) لا تكثرين من تقبيل الزوج و التلصق فيه بس علشان تحسسينه بوجودج و هو مندمج في شغلة بوسي طرف صبعج و بعدين حطيها على شفايفه
4) إذا قام يتميلح و يخفف دمه و يمدح في وحدة من السخيفات اللي على التلفزيون طبي في بطنه و امسكي رقبته كأنج بتخنقينه و قولي له اعترف اني أحلى طبعا هو بيعجبه الوضع و ما بيعترف لأنه ما يبيج تقومين ( لا تسوينها إذا وزنج ثقيل ترى مالي دخل ) :fhgfdhagi
5) بين فترة و فترة حطي له كرت صغنون مطبوع عليه بوسة أو كلام حلو في محفظته ( يراعى التباااااااااعد في الفترات)
امممممممممممممممم
تعبت من الكتابة
هذا اللي في بالي اذا حضرني شي راح ارجع اكتب
بس حبيباتي يا ليت تكون ردودكم فيها حركات مو بس كلمة الله يوفقك او شكرا علشان ما تكثر الردود بدون ما تكون فيه اكبر عدد من المشاركات المفيدة
بانتظار حركاتكم
