عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاااته..
كيفكم اخووواتي؟؟؟
مثلي مثل اي بنت.. تحلم بالزواج والفستان الابيض.. وغيره…
لكن رقدت على السرير الابيض.. واصبت بمرض ما سمعت فيه الا لما اصبت فيه..
مرض المؤلم فيه انه غريب وصاحب مفاجأت.. لكن مفاجأت مره جدا جدا..
مرض ماله علاج بالعالم.. ومسكنات المرض مؤلمه.. بحالها تسبب مرض..
يلزم اخذ ادويه عشان تهدي الم مسكنات المرض..
مرض احس معه.. وقف فيني الزمن.. وصار النوم بالنسبه لي مرحله فااصلة..
اصحى الصبح احرك اعضائي اتأكد انها تتحرك.. افتح عيوني اتأكد اني اشوف..
لانه وممكن بكل بساطه.. اصحى الصبح.. واصير ما اشوف.. او اصحى ورجلي او ايدي مشلوله.. او صعوبه بالحركه....
علاج المرض اذا اشتد لازم تنويم.. واذا خف علاجه ابر..
جسمي صار بقع حمراء.. كله ابر..
صرت اخاف لما اشوف انسان على كرسي متحرك.. لانه ممكن باي يوم اصير مثله.. او اعمى.. او على السرير مايتحرك.والله المستعان
مرضي اسمه التصلب اللويحي المتعدد.. الله يبعده عن المسلمين.. ويشافيني والمرضى منه..
هل فيه من الاخوات.. مصابه مثلي..؟؟
اذا اخت مصابه.. بسألها كيف تعملي مع الهجمات؟؟ وهل هي متقاربه؟
وكيف تعملين مع الاعراض الملازمه للمرض؟؟
وهل قدرتي تكملين عملك اذا انتي موظفه؟؟
وكيف تتغلبين على الاعراض الجانبه للابر..وايش نوع الابر اللي تستخدمينها؟؟
ومين طبيبك وباي مستشفى تتعالجين؟؟
وهل فيه ادوية تستخدمينها غير الابر ؟
هل حصلتي على بطاقة ذوي الاحتياجات الخاصة؟
وهل مراكز المعاقين تساعدك في الحصول على وظيفة؟
دعواتكم بنات لي بالشفاء ولكل مريضة ومريض لويحي..ولجميع مرضى المسلمين..
