عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم يارشيقات
اليوم باذن الله حافتتح مسابقة 1-2-3 جايين وبأحلى رشاقة للموسم الثاني
والحمدلله الموسم الاول عدا على خير مع بنات قروبي الحلوات وفي من نقص وفيه من انسحب وفيه من قرر يكمل
فالمسابقة هالمره بتكون بعضوات جدد وممكن عضوات من الموسم الاول اذا حابيين يستمروا معي حياهم
ولكن هناك شروط سواء للعضوات الجدد او القدم وهي:
1- لازم تدخلي يومي وبسوي جدول للمتابعة لكم جدول حضور وغياب مثل طالباتي هههههه
2- لازم نسوي رياضه يومي قدر الامكااااان وكمان بسوي جدول لمتابعة الرياضة لكل اسبوع ها <<اكثر وحده خايبه بالرياضة
3- لازم نقيس كل اسبوع وانا افضل يكون يوم خميس بدل الجمعه ونخليه هو اليوم المفتوح للي تبي لانه الخميس خرجات مو مثل الجمعه ها
واللي ماتقيس يومها راح نعطيها انذار وبعدها لو كررتها بنطلعها من القروب ههههه ممنوع ماتقيسي
عشانك مو عشاننا لانه لازم الوحده تواجه هالميزان لو ظلت متهربة منه مابتعرف انجازتها وكمان مابتعرف تخبيصها ابدا خليها تشوف عمل يدينها ها
واللي عليها الست وردة معذورة ماتقيس فقط هي اما الباااااااااقي مو مسموح له
4- وقت تنزلوا يومياتكم نزلوها بشكل مرتب مثل ماكنت انزل عشان يساعدني على عمل الجداول رجاءا
يعني بالشكل هذا:
اليوم السبت
الافطار:
سناك1:
الغداء:
سناك2:
العشاء:
سناك3:
المشروبات الساخنه:
الرياضه:
التخبيص:
وملاحظات: اذا حابه تسولفي تكلمي مااحد مانعك ها بس اهم شي نزلوا لي يومكم بشكل مرتب
وبالنسبة لمسابقتنا بتكون هالمره فرديه يعني التحدي فردي وكل وحده وعزيمتها مابنخليها على شكل قروبات
وهناك طرييقة للتقييم حتى نحدد مين افضل عضوة بالاسبوع اللي تستاهل وسام التمييز ومييين اكسل عضوة اللي تستاهل وسام الكسلانة ها
والتقييم بيكون بالشكل هذا:
بيكون الدرجه من 10 خخخخ ومقسمه كالتالي:
درجتين على الحضور مثل قبل نحسب المتوسط الحسابي ( مجرد ماتدخلي باليوم تاخذي هالدرجتين )
3 درجات على الرياضه وبتكون بالشكل هذا:
درجه وحده اذا سويتي رياضه اقل من ساعه
درجتين اذا سويتي رياضه اكثر من ساعه واقل من ساعتين
3 درجات اذا سويتي رياضه لمدة ساعتين واكثر
3 درجات على المشروبات الساخنه الخاصه بالدايت مثلا شاهي اخضر والخ
بحيث تشربي 3 مرات باليوم وتاخذي على كل مره درجه
يعني:
درجه وحده اذا شربتي مره باليوم
درجتين اذا شربتي مرتين
3 درجات اذا شربتي 3 مرات
وبقي اخر درجتين بتكون بالشكل هذا:
درجه اذا نقصتي وزن بنهاية الاسبوع
ودرجه يوميا بنحطها لو ماخبصتي اما لو خبصتي بنحط لك صفر وبنهاية ااالاسبوع بنحسب المتوسط
وبالنهاية نجمع الدرجاااااااات
واقل وحده بالدرجات تاخذ وسام الكسلانه وفيه لها عقااااااااااااااب
واكثر وحده تاخذ وسام المتميزه ولها مكافأه
وبكذا انا راح اسوي 4 جداول لكل اسبوع بشكل يومي متابعه فيها كل عضوة وجدول واحد بنهاية الاسبوع للوزن وبالاخير بنجمع مجموع درجاااتك وبنطلع لك كم جبتي من عشر وكم ترتيبك بالنسبة للباقي هل انتي الاولى ولاالثانية و,…….. او الاخيره ها
وصدقوني عمل هالجداول يحتاج مني وقت وجهد بس لعيونكم بسويها عشان تتحمسوا وتتركوا الكسل
وياليت تحاولوا قدر الامكان ماتخلوا بجداولكم اصغار هاا
وعلى فكرة المسابقة بتكون لمدة شهر من السبت 287 الى 288 باذن الله
ولاتنسوا مابقي على رمضاااااان شي يادوب نلحق ننحف قبل مايجي رمضان وتخبيصه
وعندي رجاء اخير:
اي وحده صار لها ظروف او تبي تترك الدايت لاي سبب كان رجااءا رجاءا لاتتركنا فجأه تبلغنا اقلها وتروح يعني هذي من حقوقنا مو نجلس ننتظر ونسال ونقلق وبالاخير ماندري وين راحت!!
لانه يحق لنا نعرف ونتصرف على اساس هالشي يااما نستبدلها بمتسابقة اخرى او ننتظرها حسب وضعها
ويلا التسجيل فتح اي وحده حابه تشترك حياها اهم شي تقر انها ملتزمه بالشروط طووول هالشهر ها <<شوي واجيب لكم ورق وتعهد توقعوه خخخخخخ
<<ترى العدد محدود 8 عضوات او 10 فقط
واي وحده تسجل ياليت تقول بياناتها ونبذه عن رحلتها مع الرشاقه ها
انا بقولكم بياناتي بالرد الجاي وسوا مثلي تيب
والله يوفقنا يااااااااااااااااااااااااااااااااااااااااارب
وبسم الله على بركة الله نبتدي
