عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد لي مساءكم بالطيبه والفل
🙁
كيفكم ..؟ وكيف الغربه معاكم .. ؟
ان شاء الله دوم بخير وطيبين
😈
اليوم حابه افتتح اول موضوع لي هنا ..
بحكم اني مغتربه زيكم ..
وحابه جدا افيدكم .. مثل مافيدتوني .. فديتكم وربي.
الله يسعدكم ..
موضوعي هوو كآلاتي ..
طبعا الكل عارف انو الغربه صعبه جدا من جميع النواحي
خصوصا ..
اذا كانت وحده فيكم مثل حالي من ليله الدخله الى الغربه ع طوول ..
واجهت مصاعب كثيره ..
منها : اللغه – الاكل – الملابس – الدراسه .
اولاً اللغه ..
وهذه اعتقد الغالبيه واجهتها نفس المشكله خصوصا انو حنا بمدرسنا ماندرس الا برتش
وغير كذا الانجليزيه الله بالخير ماستفدت منها ولا شي ..
الا الكلمات اللي حافظتها ..
وغير كذا كنت توني خريجه الثانوي مامداني اتنفس الا وطرت الى امريكا مع زوجي .
ثانياً الاكل ..
اما هذا فموضوع ثاني خصوصا اذا كانت وحده مثلي مو كل شي تأكله او تحبه .. كنت وربي في خير
ونعمه بس ماقدرت هالشي الا يوم جربت مر الغربه
بالرغم انوو زوجي معطيني خلفيه عن الاكل بشكل كامل بحكم انوه مبتعث له فتره طويله هناك
بس
مثل ماقلت لكم اني كنت عروس جديده ويالله الشنط تكفيني فخذت اللي اقدر عليه .. لكن
ياليتني ماخذه كل شي ..
عموما احتديتـ وقمت أكل سمك اللي ابد ماطيقيه وابوي واهلي عانوا مني بهالشي هذا كثير والله قالها لي ابوي الله يطول في عمره ..
هناك ماراح تحسين بالخير اللي انتِ فيه بالسعوديه الا اذا عشتي بالغربه..
اهم نقطه في هالموضوع ..
اني انا وزوجي مرررررره نخاااف من الاكل يعني عايشين ع سمك وخضار .. حتى لو كان في حلال
مانشتري الا لمن نأكد بشكل كلي .
وهذه النقطه اللي تعبت قلبي … انا الحمد لله اعرف اطبخ لكن مثل ماتقولون مرات الواحد يشتهي يغير جوو ..
والحلال اللي نشتري منه لحوم يبعد عنا ساعه وربع من مدينتي اللي عايشه فيها .
والله ياصبايا لمن اكلم امي ينكسر خاطرها علي .. بس تقولي اني بصير احسن منها لاني كل شي
قمت اسويه او ادور له بديل ..
ثالثاً الملابس ..
طبعا كنت عروس وانتم اخبر بالعروس كيف تجهيزها .. رغم اني جايه لي ملابس للطلعاتي والجامعه
لكن استهلكتهم بسررعه وقمت اروح المولات ادور لي المناسب لي ولا بكل مره الاقي
الساتر والحلو بنفس الوقت ..
رابعاً الدراسه ..
طبعا المعهد كان كله شعب صيني لدرجه اني شكيت اني بالصين مو بامريكا وواجهتني مشكله اني افهم عليهم بهالانجليزيه الصينيه المكسره .. غير من جهه ثانيه مدرسين امريكان ومنهم مكسكيه وكنت مافهم لهم لانهم يسرعون بالكلام ويبلعون الحروف .. لكن الحمد لله الان صرت افهم شوي من بعد ماتعودت عليهم ..
ادري طولت عليكم بس عطيتكم نبذه من اللي واجهته في غربتي ..
اللي مطلوب هنا في هالموضوع او بالاصح زبده الموضوع
اني اكتشفت هنا بمواجهتي لمشكله الاكل وغيره من الاشياء انوو فيه بدائل
وانا بسدح لكم بعض البدائل
لي عووده من بعد ماتبدؤون وتشاركوني
الموضوع
وتحطون اسماء المحلاات وش هي الاشياء اللي تنصحينا فيها
خصوصا انو يوجد الافضل والاسعار احسن من محلات حلال
لاني اكتشفت يأخذون دبل كثير وكل مره يغيرون السعر ..
اتمنى اني ماطولت عليكم وفهمتوا وش اللي اقصده
وتردون علي علشان الكل يستفيد انا وانتم
😆 🙄
