عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
انا قرأت مواضيع في هاي الصفحه لقيت كل المتغربات ببلاد اجنبيه
انا في بلد عربي احبه ولكن اتمنى وجود اهلي معي
اعذروني
بدي اشكي لكم همي
انا كتير متضايقه من البعد عن اهلي في بقلبي شعور دائم بالحزن دايما بدي ابكي
دايما
حتى لما اطلع مشوار انا وزوجي واولادي نفسي ابكي طول الوقت مش عارفه شو اعمل
لا تقولو لي اولادك بخففو الغربه
الحمد لله طبعا على هذه النعمه لو شكرت وحمدت طوال عمري فانا مقصره
بس بنتي وابني همي سبب مللي دايما بدهم ناس وصغار انا ما عندي جاره ولا صديقه مقربه في الغربه عندنا اصدقاء بس نراهم جمعه او خميس
اريد اطفالا يلعبو مع اطفالي اريد جاره صالحه تطرق باب بيتي
تصدقو يا اخواتي لا احد يطرق باب بيتي
وزوجي يتأخر بالشغل وانا اطلب منه دايما اني اسافر عند اهلي بس صراحه الاوضاع الماديه لاتسمح لي بكثره السفر
ما بعرف شو بدي اعمل
كيف اشغل وقت فراغ اطفالي بالاشياء المفيده
صرت ازعل على بنتي من كتر ما تطالع التلفزيون
وكمان صارت ما تشوفو غير من قريب من بعيد بتحكيلي ماما مو شايفه منيح
وكمان انا بفكر بالموت كتير مرات بحكي لزوجي لو متت الصبح مين رح يفطر الاولاد لحين ما ترجع وبحكي الحياه مره واحده بدي اعيشها بجانب اهلي واولادي يتربو عند اجدادهم
ساعدوني وادعولي انو زوجي يجد شغل مريح في بلدي الاردن ونرجع نعيش بجانب اهلينا
اللهم امين
والله يخفف الغربه على كل المغتربين
