مشروع خيال الكون للزواج اذا عمرك من 22 وفوق تعالي هنا وتلاقي طلبك باذن الله:)

بسم الله الرحمن الرحيم
اخواتي الفراشات بدون مقدمات انا حبيت افتح الموضوع هذا لان ما في وحده تعدى عمرها 22 الا صارت بالعمر مهيئه للزواج لكن على كثرة المواضيع الي نشوفها بالمنتدى نشوفها فعلا تهتم بمواضيع حلوه مثل قيام الليل والدعاء وحسن الظن بالله لكن تعالوا معي نفكر سوا ❗ كل البنوتات يبون يتزوجون ويدعون ربهم ليل ونهار عشان ربي يوفقهم طيب شي حلو وللحين هم في السليم طيب لو ربي وفقك وكتب لك الزوج الصالح ما فكرتي بالاشياء الثانيه ,يعني مثلا فنون التعامل مع الزوج او الكلمات الحلوه والمعبره للرجل , كيف تتصرفي بمشكله بينك وبين زوجك ………الخ.
بنوتات انا بالموضوع هذا ابغى ارتب بعض الافكار ونمشي عليها وان شاء الله افكاري تعجبكم لكن بشرط لازم اي وحده تحب تكون في مجموعتي ومعي بكل شي تتقيد وتلتزم ولازم تشاركنا بشكل يومي اذا مو يومي يوم ويوم مو مشكله.
الاشياء المطلوبه منك اذا ودك تشاركين بالموضوع 😥 :
1_ دفتر وقلم حبر .
2_ الالتزام بالمطلوب وما يكون الموضوع للدردشه والوناسه .
3_طرح افكار جديده وحلوه وتكون مميزه عشان يكون لها اثر حلو.
4_ التقيد بالشروط الاسلاميه يعني الوحده ما تتعدى حدودها وتوصل بعض الامور للبدع.
نتناقش بالشروط عشان كل وحده تعرف الي لها والي عليها 😆 🙄 :
1_ الدفتر والقلم:): كل شي نسويه بيومنا نبي نسجله بالدفتر يعني مثلا اليوم قمتي الليل كم ركعه , مثال ثاني : لو طرحنا موضوع معين الفراشات مطلوب منهم يطبقونه يكتبون بالدفتر الفكره وطريقتها وبعدين نتائجها ونهاية الاسبوع نشوف هل البرنامج الي طبقناه طول الاسبوع فاد ولا لا يعني هل طلعنا بنتيجه حلوه ارضينا ربنا وانفسنا.
2_ بصراحه يا فراشات يا قلبي انتوا ما نبي موضوعنا يكون للدردشه والكلام الفارغ اخباركم ما اخباركم 😆 🙄 لا تبين تسولفين ولا تسالين عن احد يا اثناء كتابتك للموضوع او برساله شخصيه عشان الموضوع ما يكون فيه تشتت ويفقد الفايده وياخذ اتجاه ثاني واتمنى اي احد ما يزعل مني .
3_ نبي يا بنات افكار حلوه شي مو مئلوف عشان تكون لها اكبر اثر على المشاركات معنا وتاثيره وقت المشاركه وبعدها , تبعا كل فكره على حسب الجدول الي بيكون نازل .
4_ التقيد بالشروط الاسلاميه ما نبي ندخل في متاهات مالها داعي خلاص الشي يكون واضح وصريح وبعيد عن البدعه لان اغلب الموضوعات الي مثل هيك يدخلها شي من البدعه وشي من الاختلافات الشخصيه وهذا شي ما نبيه.
افكار مبدئيه:
قيام الليل, الدعاء للفراشات عموما بدون تخصيص اسماء معينه الدعاء يكون عام وشامل ,
افكار نطرحها وتطبقينها ونشوف وقعها واثرها عليك بالحياه ونفسك, افكار للترتيب في البيت والمظهر وبكل شي برضو نطبقها ونشوف, افكار لجمالك وكيف تهتمين بالجمال من الداخل والخارج ……………….الخ. الباقي في الطريق 😆 🙄
هذي الفكره بشكل مبدئي اذا اعجبتكم ان شاء الله انزل لكم الجدول الي نمشي عليه فترة الاسبوع هذا .
ملاحظه مهمه: الدفتر والقلم لا تنسونه لان الي بنسجله بالدفتر بيكون له اكبر اثر في حياتكم يا فراشات وبخط يدكم لو كل وحده ربي نولها الي في بالها 😳 .
انتظر ردودكم الحلوه الي تفتح النفس ولو ما تبون تشتكرون بالموزوع ارفعوه لو بدعوه صادقه من القلب 💡 😥 😥 😀 😥