مشروع زراعة قرعاتنا- بدووون ريحةو بنتاايج جنااان

حبيييت نسوي قروووب نتجمع كلنا و كل وحدة تشجع الثاانية >>
المهم يا حلوااااااات بدووون طواالة
الساالفة و ما فيييها ان لاااااااازم نزرع قرعااتنا بطريييقة سهلة و برنااامج بدوون ريحة للمتزوجااات و لغير المتزوجااات لان ما في وحدة تحب تنطرد من البيت :Pو طبعااا لازم يكون برناامج مضمووووووون 10000%

طبعااا هالبرنااااااامج انا تعباانة عليه و من منتدى لمنتدى و اشوف النتاايج عند البناات المجرباات و كلهااا ان شاء الله مضموونة 100% و انا ياا بنااات ترااني باادية فيها من اسبوعين تقريبااا و لاحظت تغير فظيييييييييييييع في قرعتي و الله ان الشعر بداا يغزر 😉 بس حبيييت افتح هالموضوع عشاان تشجعووني و اشجعكم

نجي للبرناامج الحلوووو
1- و هذاا مادحه الدكتور القحطاني
تاخذيين زعتر بلدي مجفف تلاقينه عند العطار .. 2 ملعقة زعتر + 2 كاس ماي و تغليينه على النار
و تخلينه لما يبرد و تحطين منه كل يوم على شعرك .. بخييه على الشعر كل يوم
الفاايدة؟؟؟
يخلي الشعر ما يطييح و ينبت القرعة … طبعا لا تقولي فيه ريحة .. ريحته ابد ما تبين و انا احطه و اروح الجامعة

2- زيت الخروع يا بناااااااات و الله جناااااااااااااااااااااااااااااااان
اي وقت من الاسبوع حطيه في شعرك لمدة ساعة .. اول ما تحطينه على الاماكن القرعة و تدلكينها خمس دقاايق و تغسلينه بعد السااعة … لا تقولي ثقيل ترااه و الله يجنن و يروح من الشعر بسرعة بعد الغسل

3- الكثيراااا
طبعا هذا بعد من عند العطاار.. شكلها مثل الاظاافر و احسنها البيضا.. تاخذين قطعتين منه و تخلين عليه فنجانين مااي سااخن لمدة 24 ساعة و بيصير لك مثل المهلبية
و تخلين منه في الامااكن القرعة و ترااه مفيييييد جدا جدا في انبات الشعر .. و لا تقولين فيه مواد مسرطنه او مادري ايش .. انا سألت دكتورة و قالت لي مرررة زين و ما منه ضرر و ترااه يستخدمونه في ايراان بكثررة و شعورهم تجنن ما شاء الله

طبعا كل ما تخلص الكمية تسوين مثل الطريقة و تقدري تخلينه في الثلاجة اسبوع بس و كل اسبوع سوي غيره
الي شعرها جااف تخلط معاه شوي من زيت باراشوت

4- زيت باراشووت .. يا بنات لا تستهينون فيييه ابدا ابدا انا مجربته و الله يخلي الشعر قوي و ما يطيح و يطوله

5- حبوووب فيتامينات للشعر .. انا استخدم vitamins for hair
من شركة nature’s bounty و هذا علبته وردية و انا استشرت اختي قبل ما آخذه لانها دكتورة و قالت لي انه مااا منه اي ضرر و جدا مفيد للشعر خصووصا مادة حمض البانتوثين الفعالة للشعر و حتى في المواقع الاجنبية مادحيينه

الحين البرنامج كيف؟؟
منقوع الزعتر كل يوم في اي وقت تحبين رشي منه
زيت الخروع مرتين الى 3 في الاسبوع قبل بساعة من غسل الشعر
زيت باراشوت اي وقت تحبين و هذا يكون نص ساعة قبل الغسل
الكثيرا مرتين بالاسبوع و تخلينها في شعرك 3 ساعات و ما لها اي ريحة

يا بناات انا صار لي اسبوعين على هالبرناامج و احلف لكم بالله ان شعري متغيييييير و حتى اشووف شعر صغاار نابت لي بين الشعر الطويل و بدااوم عليه لما احس ان شعري كثييييييف جدا