مشغـــل( قمــة الجمـال)تعالو اقولكم عنه شي خطييييييير***

اخباااركم بنااااات من عضوات الى مشرفااااااات

انا اسفه على هالغيبه الطويله عنكم بس الظرووف لها احكام

ويقولون من طول الغيبات جاب الغنايم 🙂

وانا جايبتلكم خبر ولا أحلى ولاني احبكم واتمنى لكم

كل خير وتطلعوون بأحلى صوووره بقولكم عن تجربه شخصيه
وحابه انصحكم فيها

طبعا اكيد محتارين وتحوسون من كثر هالمشااغل الي تارسه الدنيا

وبقوولكم عن مشغل قمة الجمال في حي العقيق بالرياض
مرره حلوو وخااصه لسكااان الحي نفسه بيكون قريب وخدماااته مره تجنن
معامله راقيه وعاملات يفتحون النفس والاهم من هذا كله اسعارهم رخيصه وخدماتهم
ولا أحلى يسوون حمام مغربي يهبببببل والله اني مجربه مشاغل في العليا بس لقيت ان هذا احسن

طبعا يسوون الحمام المغربي مع بخار واقنعه وخلطااات والله العظيم تطلعييين وانتي وحده ثاانيه

صدقوني بنات مجربته مررره حلووو (الله لا يوريكم وش طلع)شي ماتتصورونه

طبعا وجربت تنظيف البشره عندهم جهاز مره حلو ويسوون تنظيف البشره بس بــ450
بس على ماأظن انهم الحين حاطين تخفيضات يعنــــــــــــي تلحق ماتلحق

صدقووني بنات جربوو وماراح تندموون

ونسيت اقوولكم عندهم تجهيز عرايس بالكامل وبما اني متزوجه ماستفدت من هالخدمه
تنفع للمقبلات عالزواج واللي تبي تجدد حياتها

وماراح تصدقوون لو اقولكم ان عندهم وحده خطيره في المكياج 💡 بس تدرووون وش جنسيتهاا

(اندونيسيه)انا ماجربت طبعا المكياج بس بنات سوو عندها مكيااااااج وطلعووو شكل ثاااني

بصراحه اول مره اشووف اندونيسيه تمكيج مكيااااج صـــــــــــــح

المهم جربوو وراح تقولون بنت الخزامى قاااااالت

عالعمووم بقولكم موقعهم بما اني ماراح اقدر احط ارقاام

تعرفون محطه العقيق اللي على شارع التحليه المشغل بجنبه على شارع التحليه
طبعا بيكون على يساركم وانتو داخلين للحي من طريق الملك فهد
اسمه مشغل قمة الجمال ديكورهم من برا وردي مع اصفر ولوحتهم موف مع اصفر ووردي

وآسفه عالاطاله وعالقطاعه

والسمووحه منكم