عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته ،،
إخواني أنا عندي لابتوب HP dv6820ee Entertainment Notebook ،، من قريب الشهر انتهى من عندي الكاسبرسكي و ما حصلت له و لاااااا مفتاح و صار اللابتوب بدون حماية ،، قررت أمسح الكاسبرسكي و هذا أفشل قرار خذته في حياااااتي 
مسحت الكاسبرسكي قبل ما أنزل برنامج ثاني ،، و عقب ما مسحت الكاسبر بشوي علق الجهاز ،، و الماوس TouchPad ما قام يشتغل كأنه مب معرّف في اللابتوب بكبره ،، و هني عرفت انه الجهاز انترس فايروسااااااات أو انه إزالة الكاسبر خربت لي الجهاز ،، دشيت الـ Control Panel و سويت Update للسوفتوير و لاااااااااا اشتغل ،، اتصلت بالدعم الفني للـ HP مساكين بغوا يساعدوني بأي طريقة لكن بدووون فايدة ،، وصلنا في الآخر انه أسوي سيستم ريكفري و لكن المفاجأة إنه ملفات الريكفري اللي تكون عالـ D Drive حصلتها كلها ممسوووووحة و اللابتوب الحين مفرووووور أتريا يوم الأحد (عقب الإجازة) عشان أطلب الريكفري سيدي من HP إميتاك ،، و هذا هو الحل الوحيد على كلام موظف الدعم الفني من إنش بي ..
للوقت الحالي ،، في أي حل ؟ و هل ممكن أحصل ملفات الريكفري هذي في أي مكان ؟ أبا أعرف شو استوى في اللابتوب ؟ تدرون الحين بعد في مشكلة ثانية و هي إني أمسات فتحت اللابتوب في الـ StartUp كل البرااااامج تطلع Error ،، إسم الـ Error يطلع بإسم البرنامج لكن مضمونه يطلع إسم فايل Kasper.dll شي جي ،،
أدري كثرت رمسة و المشكلة عويصة و لكن ،، عشماانة تساعدوني 
،،
يزاكم الله خير ،،
