مشكلة لصرتي صغيرة وجاراتك عجايز< فيس متوهق

بدخل بالقصة ع طول

انا ساكنة بجمب بيت اهل زوجي ..
ومرة من المريرات كنت عندهم وزارتهم وحدة من جاراتهم وهي حرمة كبيرة بالسن بناتها كلهم متزوجات واصغر بناتها ممكن عمرها 30
وطلبتني ام زوجي اجي عندهم بالمجلس .. ولعيونها رحت وجلست
وبحكم اني لي عهد كبييير بعجايز جارات امي الحبيّبات
طقيتها حنك معها وصارت تمووووووت فيني < ياحظي
واخذت رقمي .. بس الحق ينقال .. تراها عجوز بس فله ومتطورة وفاهمة بالحياة وملتزمة ماشاءالله ❗
وصارت كلما سوت عزومة عصرية وعزمت جاراتها .. لازم تعزمني وتعزم ام زوجي
وانا اروح لان معي ام زوجي بس اطفش كلهم عجايز وامهات عيال متزوجين 😆 🙄
وماجلس لا ربع ساعة واطلع لبيتي واخلي ام زوجي
والله هالجارة ماقصرت فوق هذا اول ماطلعت الاربعين < قبل سنة .. دقت علي بعد التراويح وجتني وجايبه الهدية معها وهديتها كلها ذوق ماشاءالله..

طيب تتقولون وين المشكلة ..
المشكلة ياحبيباتي دقت علي تو ولزمت علي اني اروح لها اليوم بعد العصر لانها عازمة جارة جديدة ساكنة بجمبي ولسة ماتعرفنا ع بعض .. وطبعا عجوز;)
بس ام زوجي موب فيه مسافرةولا كان رحنا سوا ..
انا هنا مستحية اروووووح ..
تخيلو بنات بنت عمرها ع مشارف الـ25 جالسة مع حريم في سن اليأس