عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
اخوااااتي انا عندي مشكله وخايفه
انا ادرس بالجامعه الحمدلله
والعام كان يوديني سواق محترم لما اركب معاه طبعاً هو باص ومعاي مجموعة بنات واناقلت
مدام انه تمام خلاص اروح معاه هاذي السنه
صرت لما اتصل واكلمه يحاول يسولف ويضحك معاي انا مااعطيه وجه اطنشه
وبعدين جاء واحد غيره يمكن يقرب له شـآب تقريباً عمرهـ 28 او 29
صرت كل مااركب معاه يناظر فيني وانا اطنشه واتجاهله
وقبل يومين رجعت البيت متاخره ع الـسـآعه تقريباً 3 العصر وكانت معاي وحده وطول الطريق يناظر فيني وانا مطنشه مسويه نفسي مومنتبهه
المهم ولما نزلت البنت وصكت الباب جلس يناظر فيني بالمرايه وقال غريبه اليوم تاخرتي
ماطلعتي بدري انا كنت مرررررررررره خايفه وسكت وطنشته
واول ماوصلت البيت ارسل رساله على جوالي
كتب فيها انا اسف تدخلت بشئ مايعنيني اتمنى تقبلين اعتذاري
طنشته ربع ساعه وبعدين رديت له بـرساله كتبت له لاعادي حصل خير
وبعدين ارسل لي مره ثانيه كتب لي
انا انسان جداً حساس ومااحب ازعل احد وبصراحه انا زعلتك وقلبي مايطاوعني اشكرك انك قبلتي اعتذاري
رجعت ارسلت له اوكي خلاص واتمنى ماترجع ترسل مره ثانيه
واليوم الثاني لما رحت الجامعه اتصلت عليه الظهر عشان بقول له يجي رد علي بدون نفس وقلت له تعال انا خلصت وبعدين قفل الجوال قلت يمكن قفل بوجهي وبعدين ارسلت له قلت معليش الجوال قفل بس اول ماتوصل دق علي عشان اطلع رجع رد علي كتب حصل خير
ولما ركبت معاه كان منزل عينه ولا حاول يطالع او يحتك معاي
وش رايك استمر معاه ولا اغيره لان بصراحه خايفه ومومرتاحه ومااقدر اقول لااهلي لان اخاف تصير مشكله ..~
