مشكلتتتتتييييييييي

السلام عليكم ورحمة الله..
اخواتي العزيزات اكيد انتو راح تحسو با وتعطوني رايكم في مشكلتي فارجوكم كل وحده تحط نفسها مكاني وتقولي بصراحه ايش التصرف اللي كانت راح تسووويه..
طبعا انا انسانه مغتربه مع زوجي ولما نجي السعوديه نجي مهجولين وماعندنا بيت مستقرين فيه زوجي مستقر في بيت اهله وانا اللي احوس بين بيت اهلي وبين بيت اهل زوجي تعبت من الروحه والجيا من هنا لهنا خاصه انهم مو ساكنين في منطقه وحده يبعد بيت اهلي عن بيت اهل زوجي ساعه ونص او ساعه وربع,وانا عندي بن صغيره وبتتعب معايا من الروحا والجيا احيان اروح بيت اهلي اقعد اسبوع فيوحشني زوجي وهو توحشو بنتو ونفسي يتلم شملنا مع بعض فاروح عنده في بيت اهله واقعد اسبوع او كم يوم يقومو اهلي يزعلو ويقولو ايش يجلسك في بيت اهله المفروض تقعدي عندي اهلك عشان لاتضايقيهم ويشبعو من ولدهم وانتي وحشتينا ومن هذا الكلام وماراح يفهمو وضعي ومااقدر اولهم نفسي اسقر مع زوجي وبننتي في اي مكان فارجع عند اهلي وعلى هذاااااااا الموال لحد ماارجع بلدي اللي مغتربه فيها والله اني ارتاح في الغربه اكثر بسبب المنزل والاستقرار الموجودين فيه,,,
والله اني مو عارفه ايش اعمل خايفه امي وابويا يزعلو مني ويغضبو عليا ويحسو اني ماابغى اجلس معاهم واخاف اضغط على نفسي واجلس عندهم يقوم زوجي يحز في نفسه اني مو جالسه عنده وماابغاه يتعود على بعدي وبعد بنته..
ارجوكم شورو علي ايش الحل في رأيكم؟؟؟
انا حاليا قررت اني اجلس طوال الاسبوع عند زوجي في بيت اهله واخر الاسبوع اروح عند اهلي..نصيحتكــــــــــم؟؟؟؟؟