مشكلتــي

اخباركم يافراشات

اول مره احط مشكله لي بين ادينكم بس شسوي مالنا غنى عن بعض

المهم بقولكم كل شي بصراحه

انا بنت عمري 26 سنه

جامعيه

الموضوع ان اختي الي اكبر مني اتزوجت وعندها ولدين وبنوته

واختي الي اصغر مني كمان متزوجه وعندها بنوته قمر يارب يحفظها

المهم انا لما كنت صغيره صارلي حادث ونكسرت يدي وحطو فيها اسياخ يعني صار بيدي مكان عمليه

كبرت وظلت هالاسياخ بيدي

ودايم اسمع من الحريم لكبار الله يسامحهن ماحد بيرضا يخذنك علشان يدك

في حين انا بنت جميله واعجبكم بالمطبخ واحب الاطفال كثيررر اموت فيهم يعني لما احلم ابي اتزوج بس علشان اجيب بنوته ولبسها ومشط شعرها ابي اكون ام

احب الاطفال دايم ينزلون عندي عيال اخواني احب ازبطهم وكشخهم بس زوجات خواني مالهم الا ينكدون خاطري

ولما جدتي كانت عندنا الله يرحمها كنت انا اللي اعتنى فيها بدخول الحمام الله يعزكم ومشط شعرها واحني يدها وشعرها وكنت اقول جده ادعي لي وتدعي الله يرحمها ماتقصر

انا اعرف ان الله الرزاق وان الله قادر على كل شي

بس الي ابي افهمه ليش الناس كذا ليش يحبون ينغزون ويتكلمون

ليش نظرتهم في البنت الي فيها مكان عمليه نظره دونيه مسكينه محد بيخطبها محد يبيها

ومن هالكلام

حتى امي صار قالت محد خطبك امي تقول انتي مو مثل خواتك قبل مايتجوزون اللي خطبها قبل زوجها 3 الى 4

بس انتي ولا احد خطبك اعرف امي موقصدها تجرحني بس مدري ليش صرت حساسه

والله يابنات ماكنت كذا بس بهالفتره صرت حساسه مدري ليش

المهم الله يزوجنا كلنا ونجيب بنوتات واولاد حلوين يارب

ابيكم تدعون لي تكفون والله دموعي تلمع بعيني