عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي الفراشات هذا أول موضوع لي بالمنتدى الرائع
خصوصاً أني صار لي ثلاث سنوات متابعته بشكل مستمر من غير تسجيل
المهم يا طويلات العمر ندخل بالموضوع على طول
قبيلتنا مرة محافظة بشكل كبير يعني البنت ماتشوف ولاتقعد مع اولاد عمومها وخوالها لا من بعيد
ولامن قريب مشكلتي بدت لما بدت اختي اللي اكبر مني تتكلم عن اخو زوجها اللي يصير ولد عمي
وشلون انه رجال وفيه خير وطيب ودمه خفيف وإلخ بدأ قلبي يدق له بس من دون ما احد يدري وكنت لسة صغيرة
بالثنوية واتفاجأت أنه تملك على وحدة من برا العايلة وبكيت بروحي بس تمنيت له الخير بس ماتمت
الملكة وطلقها بعد ست شهور المهم حبايبي صرت اتمنى انه يخطبني اليوم قبل بكرة بس من وين
ياحسرة وهو مايتذكر إلا ذيك البنت الصغيرة اللي تروع وذابحتها السمنة أنا لما كبرت نحفت وصرت
رشيقة والكل يشهد بجمالي وعقلي وركازتي ولله الحمد و عندي أحساس انه لو يشوفني اللحين
بيخطبني اليوم قبل بكرة ومن جد افكر فيه ليل نهار واتمنى انه يخطبني ❗
والمصيبة أني ما اقدر حتى اقول لاختي تساعدني لاني مرة استحي وخصوصاً انه مرة يمون عليها
ومعتبرها زي اخته ويقول لها عن مشاكله واسراره كل كبيرة وصغيرة
الحل الله يخليكم:(
والسلام ختام
