عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :
أنا قلت أستشيركم هنا يا فراشات لأني حتجنن والله … يمكن حد فيكم عدت عليه المشكلة دي ولاقالها حل .
باختصار ابني سنة و نص تقريبا , كان عادي جدا الحمد لله بس عشان التسنين خاسس شوية وخلاص …
من ساعة ما رجعنا من السفر آخر مرة بيقوم من النوم مفزووع ديما ونفسه رايح و صريخ بالساعة ولاا حاجة بتهديه مهما عملتله ..حتى لو شلته ولفيت بيه يفضل يحرك و عياط متواصل كأنه كان بيضرب !!!!
أقربها إنهاردة بعد ما نمنا عادي صحي كالعاده على صريخ متواصل و عياط غير عادي لأكتر من نص ساعة لحد ما ابتدى يرتاح من العياط و يرجع يعيط تاني ..
مش عارفة ده مغص بيجيله في النوم وبس … و لا كوابيس ولا إية ؟؟؟
ربنا يخليكم اللي تعرف تفيدني لحسن فعلا أنا خايفة …:(
