مشكلتي اهل زوجي

انا عضوه جديده وماسجلت الا عشان افضفض لكم شوي لاني ما احب اقول لاحد يعرفني كذا طبعي انا متزوجة من10 شهور وزيادة مشكلتي مع اهل زوجي لما اروح لهم احس انهم مايعطوني وجه يعني مايسولفون معي حاولت ادخل فيهم بس ما قدرت هم لهم استراحة يجتمعون فيه كل اربعاء لما اروح يكونون جالسين هم وسلايفي عندي 2 وبعد ما ادخل واسلم عليهم ب10 دقايق الا يقومون البنات اللي هم خوات زوجي3 وبنات خواتهم 3وسلايفي ويدخلون داخل وما يبقى الاعمتي( ام زوجي )حنا نسميها كذا وخوات زوجي الكبار2 وانا اطفش مع الكبار ما فيه تواصل معهم انا عمري 25 وهذولي بالاربعين واذا حكم الوقت وجلسنا نتقهوى مع بعض يجلسون يسولفون بصوت واطي صرت ما احب اروح لهم بس زوجي يصر ولما اقوله عجزت ادخل فيهم يقول انت ما حاولتي ياربي وش اسوي يعني اقط وجهي عليهم واالله حاولت لما وحدة تقعد جنبي اسولف معاها وانا من النوع اللي استحي اسولف بصوت عالي والكل يناظرني ياربي كرهت حياتي صرت اشك في نفسي اني ثقيلة دم او اني ما عرف اسولف او انهم يحسبوني شايفه نفسي او انهم يغيرون مني وش الحل حتى لما اروح بيتهم البنات يجلسون شوي وبعدين يطلعون فوق الا اذا فيه سلايفي يجلسون معهم ادري طولت عليكم بس ابي حل ومن صار لها مثلي ❗