عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السسلام عليكم ورحمة الله وبركاته
كيفكم بنات؟
ان شاء الله تكونو بخيرر يارب
مم كل عام وانتم بخير بعد الزحمه 
مدري ادا دا موضوعي بالقسم الصح ؟؟
ازا لآ , الله لايهينكم حطو باقرب زباله 💡
طيب مم كيف ابدا
انا بنوته طبعا من جدة
مشكلتي بنظركم بتكون تافهه
لكن بنظري مرة كبيرة
باختصار انا واعوذ بالله من كلمه انا 🙁
حبيت واحد من النت اوك ؟
خلينا نقول اسمه محمد فرضا يعني
وحبيته يابنات طول سنة كاملة واكثر شوي
والله يابنااات حبيته من قلللللللللللللللبي
كل شئ ماقوله لا
بس رفضت تماما انو فكرة يشوفني
لانو مهما كان صعبه حيييل عليا
واهلي شوي معقدين , يعني مايخلوني اخرج مع صحباتي لوحدي وكدا
يعني مرة مافيه مجال
فـ كنت دايما اكلمه بالجوال والمسن
احلى ايامي والله 🙁
بس هو كان قاسي عليا
ودايما يدور مششاكل
على اقل شئ يابناات
تخيلو
لما يدخل المسن وماقوله السلام عليكم
يعصب عليا
يقولي انتي ماتحبيني انتي اصلا ماتفكرين فيا مرررة ومدري ايش
بس كنت اصبر واصبر
لين ماااااااخلااص ماقدرت والله 🙁
طفشت من حالنا
طفشششت بقوة
حسيته يبغى الفكة مني وحتى هو طفش من اللعبه لما عرف انو مايمديني اقابله
فـ الفت قصه من عندي انو اهلي كفشوني
مدري ليش حسيته فرحان يابنات
قالي تصدقين ياريم
كنت استنى يوم وتقوليلي جاني خطيب وتقدم ليا
تخيييلو !!
كان يستنى اليوم اللي افاارقه فيه
طبعا تفارقنا
وانا تعبت مررررة كل يوم مستشفيات كل يوم قران مهديات
حتى اهلي شكو فيني
اكيد راح تقولون لي انتي اللي جبتي لنفسك دا
لكن مو ذنبي والله
انا تعبت معاه او بدونه
المهم
طبعا دحين ليا ستة شهور يمكن عنه
المشكله الكبرى
عرفت انو واحد برضو من النت يحبني !!
يموت فيا على قولته
انا كلمت اختي قالت لي ياريم كلهم كذابين زي محمد اول
وكلهم نفس الطريقة
حتى انا كدا اقول
بنااات ماعرف اش اعمل
اوقات احسه كداب ومايحبني بس يبغى يلعب
واوقات اقول حرام الولد مرررة يحب ومتعذب
انا حاطة فكرة ببالي انو حب النت مرررة ماينفع
ومالو نهاية دايماااا
يعني ماينتهى بزواج
واصلا اخاف انو دا الولد مايبغى يتزوج كدا
لانو تعرفون نحنا كيف مجتمعنا محافظ مرة ومايسمح بهالزواج
دي باختصار مشكلتي
ابغى اعرف اش اعمل مع دا الولد ؟
هل اطنشه ولا اعطيه مجال؟
ولله يابنات كل اللي اعرفهم يقولون ليا كدااااب دا الولد
مدري اانا محتااارة موووت
نصحيتكم يابنات
للعلم عمري 16 انا وهو بالعشرينات
بلييييييز افيدوني اش اعمل معااااه
وباكون شاكرة لكم جدااا
< ترى سجلت بالمنتدى دا خصوصا لمشكلتي 🙁
سلام
