عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم… حبيت اطرح مشكلتي بعد ماضاقت بي الوسيعة …..
أنا بكر أمي وقفت معها في تربية أخواني كلهم وكنت متحمله المسئولية طبعا مالي فضل في هذا اكيد…وطبعا امي ماقصرت في تربيتنا وتعبت معنا… لكن مشكلة امي هي التفرقة بين بناتها ثلاث بنات طبعا شبههم واحد وتقول عنهم الحبوبات تحبهم وتموت فيهم والله مااكذب عليكم ان وحده منهم تصك الباب في وجه امي وابوي اذا اخذوا لها شغالتي تنظف بيتها وتتكلم كلام يسم البدن بس امي اخذت عنها فكرة انها حبيبة وقلبها طيب ولو اقولكم انها جرت لهم فضايح وامي مازعلت عليها وتصدقها على طول… مالكم في الطويله بتكلم عن نفسي..
امي لو تصير اي مشكلة في البيت تحطها على رأسي ولازم اكون انا السبب يعني اذا تهاوشت امي مع اختي الثانية(قليلة حظ مثلي) تزاعلني معها بالرغم من اني في بيتي ومدري عن السالفة بس ماتبيني اماشي اختي هذي بالرغم من ان اختي هذه ماتزوجت وانا اقضي اشغالها لان محد معطيها وجه في البيت ويقضي شغلها غيري مع العلم ان اختي هذه مسحورة وفيها مس عاشق حارمها الزواج ومعهادايم ضيقة بالصدر.. طبعا امي تطلع وماتاخذ اختي معها.. دايم مجتمعه مع خواتها وتاخذ بنتاتها الثلاث معها وتعزمهم معها لخواتها … وانا واختي الثانية ياويلنا اذا طلعنا من بيتها وياويلها اذا زارتني في بيتي تحشر ابوي علي ويدق يخاصمني!!!
طبعا انا متحمله وصابره وماقد غلطت عليها او رفعت صوتي لكن بلغ السيل الزبد.. انا متعبتني الدنيا مع كل جهه كافي مشاكل زوجي واهله وعيالي… وادق على امي اسلم عليها وترفض تكلمني لانها متزاعله مع اختي اللي معها في البيت.. وقلت اسألوها متى بنروح نقهوي فلانه(صديقتها وابتجمل واتعب نفسي عشانها) قالت قولوا لها تروح لها لحالها!!!! ياناس وش اسوي بنفسي اذبح نفسي ( ولاتزر وازرة وزر أخرى) .. والله اني مهمومه وبس ابكي ومقدر انام مع اني تعودت على زعلها بس اخاف من عقوبة رب العالمين تدرون ليش لاني ناويه اهجرها.. لاني مليت من انها تحطني دايم الشريرة .. والله من يوم اني صغيرة وهي تقول انك مثل الخالة لي (تقصد مثل ام الزوج) مع اني انا اللي احل مشاكلها مع ابوي واراضيهم وبعدها بيوم تقلب علي وتزاعلني… ومع هذا تحسبون زعل امي بسيط!! والله اني اروح وامد يدي اسلم عليها وترفض تصافحني واذا شافتني تلبس عباتها وتطلع لخواتها وتجلس تهاوش عيالي وتدعي عليهم وتصارخ على اخواني تخليني اكره نفسي اني جيت لها وتعنيت!!!
وحبيت اقول بعد ان زعلها دايم كل سنه في مثل هالوقت يعني على بداية الاجازة الصيفية , وانا بس متنكده هي شغلي الشاغل احاول اكلمها وترفض وانا في هم عظيم وتنتهي العطله وهي على هالحال!!! وانا بصراحه مليت دايم هي كاسرتني وتحاول انها تحطمني ودايم تفشلني اذا تكلمت وتتطنز بافكاري.. وبقول لكم اسباب زعلها مني ماتصدقون قد ايش هو تافه لكن تجلس بالشهور زعلانه مني( مثل سلمت على عماتي في زواج وهزائتني عند حمولتي وطلعت من الزواج, كتبت تهنئة بالجريدة, مريت اختي نروح معي للسوق مع العلم ان اختي محترمة وملتزمة)…
انا بصراحه هالمرة ناويه اخليها وبتركها ترضى من نفسها لو تجلس سنين ربي يعلم اني ماغلطت عليها.. ولاني بصراحه مجروحه واحس مليت من التفكير فيها…وانا ماعمري ذقت حنانها….
وحبيت اقولكم ان العام كانت جدتي الله يرحمها عندنا مريضه ومرافقه لها وحده من خالاتي (ماعندها عيالي وهي اللي دايم تحشر امي علينا) ودايم خالتي هذه تهاوش عيالي وتصارخ عليهم وتقول لنا لاعاد تجون مع اني مااجي الا نهاية الاسبوع وفي بيت ابوي وطبعا دايم انا ويها مهاوش وامي الحنونة واقفه معها قلبا وقالبا وتقول لي لاعاد تجين او اذا جيتي اجلسي لحالك..وخالتي الثانيه غلطت بنتها(بنتها بثالث ثانوي) علي وتكلمت عليها(دخلت علينا انا وخواتي في بيت اهلي وسلمت عليهم كلهم الا انا مع ان ماجاها مني شيء وتكلمت عليها قلت اهلك ماربوك ..طبعا كبرت السالفه وامي واقفه معهم وزاعلتني وجالسه للحين تخطب هالبنت لاخوي !!! مع ان اخوي مايبيها ابد…
ماكتبت هالموضوع الا ابي تخفيف منكم اعرف اجر بر الوالدين واعرف حقهم علينا …لكن اللي فيني لايطاق وهذا غيض من فيض اعذروني كتبته مستعجله وماراجعته …
ابي نصيحه الله يسعدكم..
