عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم كيفكم يافراشات
بقولكم مشكلتي مع اخوي واتمنى تقولون لي هل انا على حق او اني حساسه بزياده والا وش الموضوع بالضبط؟؟
اخوي هذا اكبر مني بسنتين تقريبا من يوم واحنا صغار واحنا دايما نتضارب ونتهاوش غيرة مبزره على مايقولون موهنا المشكله المشكله ان هالشي كبر معنا مهما نحاول نصلح علاقتنا الا انها داائما متوتره
يمكن في العشر سنين اللي راحت تزاعلنا تقريبا ثلاث مرات وكل مره نقعد بالسنه والسنتين مانكلم بعض
وبالنهايه انا اللي ابدا بالصلح مدري هو غباء طيبه تسامح مادري وش اسميه
احسه ينتهز الفرص علشان ينزل من قدري ويهيني ويتصغرني ليش مادري
انتي غبيه انتي ماتعرفين تسولفين انتي فاشله انتي جاهله غير التريقه اللي على شكل مزح وهي احسها طالعه من قلبه كررررررهني في نفسي وقلل من ثقتي بنفسي
المهم قبل تقريبا سنه وشوي ايام ملكته ابديت رايي بالاغنيه حقت زفته هو وزوجته اتصلت عليه وقالت له
تخيلو يابناااات الفجر والكل نايم دق علي باب الغرفه وهزئني ومسح فيني الارض وانتي مالك دخل في زوجتي وانتي وانتي تخيلو على اغنيه زفه وثاني يوم نزل لاهلي وانتو مالكم شغل ببنت الناس وهذاهي قبل لاتجي البيت اقولكم هالكلام
احنا ماكنا نبغاه يسكن معنا ببيت الوالد بس هو سكن بالغصب لاسباب كثيره منها الاجار ومنها انه مايترك لنا البيت نسرح ونمرح فيه على كيفنا (على حسب كلامه)
المهم انا حطيتها بقلبي وسكت تزوج وبثاني يوم من زواجه انا اخطبت وقام يبدي رايه باللي يخطبوني هذا ايه وهذا لاء وهذا فيه ومدري ايش يعني هو يتدخل فيني وانا مالي علاقه فيه وفي زوجته قلنا ماعليه
المهم تزوجت ومن يوم تزوجت واحسه زااااااااااايد قام يتمسخر علي ويكلمني باسلوب كاني طفله حتى قدام زوجي انا مارضيت بصراحه يهزء فيني قدام اهلي وزوجي وحرمته
جا يوم وبغيت غرض من البيت دقيت على حرمته وقلت لها باجي اعطيك اغراضك اللي عندي واخذ غرض من البيت بس لاتقولين لاخوي اني بجي بصراحه مابي اقااااااااابله وودي اتحاشاه بقد ماقدر لانه ينتهز الفرصه انه يجرحني وفي مواقف كثييييره لو باكتبها بعبي اربعين صفحه
المهم اتفاجا ثاني يوم بالليل داق علي انتي ليش تقولين لزوجتي بجي ولاتقولين له انا وحش باكلك ولاتدخلين البيت من وراي (علما انه بيت ابوي)وانتي فيك وانتي فاشله ماخلصتي دراستك وانتي شفتي نفسك علينا من يوم تزوجتي وانتي ولا شي وكلام يابنات زي السسسسسسسسسسسسسسم مايقوله العدو لعدوه
قاطعت بيت اهلي هم ساكنين بمدينه ثانيه اذا جاو زياره للمدينه اللي انا واخواني فيها ما اروح لهم لاني حلفت ما ادخل البيت لين يطلع هو وزوجته بشقه مابي اقابلهم
الحين زوجته ولدت واخوي الكبير وزوجي يضغطون علي يبوني اروح ابارك لها بعد كل اللي صار
وابوي يقول ليش مادقت علي تبارك لي ولادة مرت اخوها
معقووووووووووول اللي انا اسمعه
وكرامتي واحاسيسي ومشاعري ماتهم احد مانيب انسانه احس واشعر
حالتي النفسيه زفت وادعي ربي اني اموت وانا اولد افتك من هالحياه اللي صارت جحيم لايطااااااااااااق
بغيت رايكم بسالفتي
وبالتوفيق للجميع
عن lara florance
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …