عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشات:P كيفكم ➡ أنا فراشه جديده في المنتدى وهذي اول مشاركه لي فياليت تردووووووووووووا علي
أنا مشكلتي مع صديقتي في فترة الأمتحانات كنا دايم نكلم بعض طبعا في امتحانات الشهر الأول للفصل الثاني
ولما خلصت الأمتحانات طلعت درجاتنا نازله وصديقتي كانت في بنت تحبها وانا اعرف البنت معرفه سطحيه تراسلني واراسلها وكنت اعرفها قبل لاأتعرف بصديقتي وفي أمتحانات الشهر الثاني كانت صديقتي داقه علي ومارديت كنت نايمه ولما قعدت دقيت عليها وكلمتها بعد أشوي دق تلفونها وطلعت البنت اللي تحبها قالت لصديقتي منو تكلمين؟؟؟ قالت صديقتي شوي وأكلمج وأصكرت وأنتظرتها مادقت بعد شوي دق تلفوني طلعت البنت اللي تحب صديقتي قالت لي رجائن لاتكلمين فلانه خليها تدرس قلت ليه مشتكيتلج قالت لا بس حرام تخلينها تسقط قلت ليه انتي امها وانا ماأدري وعصبت حيل وقلت اسفه أذادقيت على بنتج من دون ما أستأذن منج
وصكرت التلفون وارسلت لصديقتي وقلت لها ثاني مره مراح دق عليج ألا لما أستأذن من أمج
وقعدت أسبوع ماأكلمها وجت اعتذرت لي بس أنا ماسمحتها وقالت أنا مالي شغل انا ماقلت لها دقي بعدين سامحتها بعد الأدموع وبعدين جتني الحبيبه الهايمه تتأسف بس للحين ماأكلمها وما قبلت أعتذارها
ومرت الأياااااااااااااااااام وأكتشفت في هذا الأسبوع أن أسراري كلها أللي أقولها لصديقتي عند حبيبتها وألحين صديقتي تدق وأنا ماأرد عليها لانها ماتدري اني عرفت أنها أنشرت أسراري
بنات تكفون قولولي أرد عليها وأذا رديت شقولها مع العلم أني ماأحب أجرح أحد ؟؟؟؟؟
