مشكلتي مع امي واعترافات …. فضفضة طويله

شخباركم ….

أنا عمري 21 جامعيه عندي مشكله مع امي

دائما تحسسني بأني اقل مع خواتي تقريبا بكل شي

من صغري تركتني عند جدتي تربيني بحكم أني كنت طفله ” مشاغبه ” وباقي إخواني وخواتي عند امي وابوي صار عمري 6 سنين ورجعت لاهلي من صغري وانا اسمع امي تقول : بنتي هذي جبتها بالغلط زوجي طلب مني أوقف حمل وغلطت وحملت فيها وتمتينها ولد لكن جأت بنت … يمكن عالمقوله هي اللي أثرت فيني وعقدتني حسستني أني أنا شخص غير مرغوب فيه

بقيت عند اهلي دخلت المدرسه وكنت اروح لجدتي بالعطلات كبرت وانا مقتنعة انه لو ماكنت مشاغبه كان قعدت عند امي مثل إخواني وانا للحين عاذره امي بهالشي .. كبرت وعلاقتي مع امي سطحيه كنت استحي منها ما اقول لها عن اي شي يصير معاي أبدا طفولتي كانت مع الأولاد اكثر من البنات .. عندي ولد عمي اكبر مني بسنه من صغري وانا اسمع انه أنا محجوزة له اذكر بعض الاحيان لما ندخل غرفة الألعاب نلعب يجي ويلزق فيني من وراي ويروح بسرعه كنت احس انه هالشي غلط وماكان عندي احد اقول له ايش يصير طبعا كبرت وفهمت ايش معنى هالحركه وكل ما اكبر يزيد كرهي لها الانسان ..

تعودت فبيت اهلي انضرب كل يوم بسبب شطانتي واحيانا يتطور الضرب الى الحرق بعود الكبريت على يد اختي الكبيرة او انطرد برا البيت كم ساعه أنا الوحيدة بيت خواتي البنات كنت أنام على الارض والباقي على السرير كنت اقنع نفسي انه نومة الارض احلا واريح ..

كبرت وانا ما البس تنوره ابد كانت طفولتي مثل الأولاد تماماً بفترة الثانوية بدأت البس تنانير وفساتين كنت محل الضحك بحكم أني ماكنت البس الا جنزات ومره أخذت لي اختي شنطة يد للعيد ويوم عرفوا اهلي ضحكوا علي صرت ” مطنزة ” لدرجة انه جدتي تكلم خوالي برا وتبشرّهم اني شريت شنطة .. طبعا كرهت الشنطه ورجعتها لاختي

خلصت ثانوي وبدأت افكر ايش بدخل تخصص بالجامعة ودخلت تخصص امي تبيه وانا مجبوره عليه أنا حاليا متعثره دراسيا انجح لكن درجاتي مو مثل خواتي وكثير مايقارنون بين درجاتي ودرجات خواتي لدرجة يطلعون نكت علي وعلى درجاتي 😥

لفترة بدأت اشتكي لامي عن الم بصدري كنت ابكي لها عشان تقتنع توديني للمستشفى .. قال الدكتور انه ورم حميد احتاج لجراحة بسيطه بعدها ماعدت اتابع مواعيدي مع الدكتور لانه امي رافضه اتعالج صارت تعطيني أشرطة للرقية الشرعية والحين لي سنه و4 شهور وانا باقي على حالتي أتألم بدون ماتحس امي فيني

دائماً لما امرض تعتبرني كذابة او تضحك علي .. احيانا ابكي من الم فبطني تقول لي انتي تماماً مثل المتخلفين والمعاقين احيانا يغمى علي تقول لي انتي تمثلين لما اتعب وأستفرغ اروح لاختي الصغيره العبها تقولي اتركيها لاتستفرغين عليها ..

خواتي يعاملون اختي بطريقة شينه كثير يغلطون عليها عكسي أنا حنونه معاها اي شي تطلبه اركض اسويه لها على امل ألقى مقابل لها المعامله .. امي كثير تدعي علي بالقولون بالسل بالشيب وماتدعي الا بوقت الأذان وتجي وتقول لي ترا دعيت عليك وانا قاعده بين إخواني اسكت وتقولي وهي تضحك عساك بس تعلمين صديقاتك اني ادعي عليك ودايم تقول لي انتي مو حنونه علي ..

أخواتي جداً مدلعات بعكسي غرفهم مليانه اكسسوار ومكياج بعكسي ماعندي الا حلق واحد هدية من أبوي وساعه ماخذها لي اخوي غير خواتي امي تاخذ لهم أساور وخواتم من أغلى الماركات

بدأت أخذ المكافأة من الجامعه وبكل مكافأة أخذ اشياء لاخواتي و خاطري بهالمكافأه أخذ لي اكسسوارات وشغلات بسيطه لكن اختي تبي تسوي حفله وبتاخذ هالمكافأه مع انه اهلي معطينها مبلغ يكفي وزياده بس ماقدر اقول لا وتزعل وتقول عني بخيله وتتطنز علي