مشكلتي مع خطيبي

السلام عليكم

ماادري كيف ابدأ معكم 😛

لكن ابغى اسردلكم مشكلتي واتمنى فعلا اجد الحل عندكم لأني جدا محتارة وماني عارفة الاقي قرار مناسب ..

هذا خطيبي ولد خالتي متكلم علي من 6سنوات تقريبا كان يعني من بعد ثالث ثانوي وجا يبي زواج واهلي رفضوا لأنهم يبغوني اكمل الجامعة وافق ثم جا بعد سنة ثالث جامعة ورفضوا اهلي بحجة اكمال الدراسة ورضخ لهم ..ثم تخرجت

وكنت انا وياه على تواصل عن طريق الجوال بعلم اهلي واهله والكل
جت فترة قعد يطلب مني طلبات غريبة ..

كان يطلب مني مسجات غرام وحب في البداية ماكنت اسأله لمين ..بعدين سألته قال
ان هالمسجات لصاحبه ..وصاحبه ذا متزاعل مع خويته ويبغى يعطيها من هالكلام

انا هالسالفة ماخشت مزاجي لأنه كان كل شوية ويتصل علي ويقولي اكتبي كذا …حطي كذا ..وهي زعلت علشان كذا ..كل هالموضوع شكيت ان فيه شي وان هذا هو ..

تركته فترة 3 اسابيع ولا كلمته ..

الين بعدها بفترة دق علي وقال ان بينه وبين حرمة مشروع ..فهل انا موافقة على هالشي
قلتله دامه مشروع مافي مانع ..

وملاحظة انه متغير علي ماعاد زي اول ..

هالكلام من سنة تقريبا ..مرت هالسنة وهو على ذا الحال ..
لين اكتشفت انه اللي بينه وبينها تعدى المشروع …

واللي وضحلي اخوي في نهاية رمضان وبرضو اهله وقالوا انهم ملاحظين انه يكلمها بالساعات عالجوال وبينهم تواصل واعطى اخته الصغيرة وسمعتها تقولها عبودي ومدري ايش ..

قمت وسألت خطيبي وقال مابيني وبينها شي ..شيلي هالفكرة من راسك
فيه امور انتي مو فاهمتها لاقربت الملكة افهمك هي وساعتها حددي بكيفك
قلتله نزعل الحين ولانزعل بعدين ..
وليه هالتواصل بينكم من اصله في اي دين واي شرع سامح بهالشي
قال هذي اهلها طاردينها ولها ظروفها ..قلتله اوكي نفترض انه كذا تقعد انت وهي بالساعات
وكل يوم تطمنون على بعض بالشكل ذا ؟

اهلك ماسويت معهم كذا وهم بحاجتك …
اذذا تزوجتني وطلبت منك تتركها قال مستحيل اتخلى عنها ..انا عاهدتها امام ربي ما اتخلى عنها ..

بعدين جا شيخ وقرا عليه وقال فيه سحر مشروب وكذا ..
وقال للشيخ انه لاجابوا طاري الزواج مايبيني ..

يوم قعدت معه قال لاتزعلي مني وكذا انا بس مشاعري تتغير لاجابوا طاري الزواج بيننا لكني احبك وكذا
في هالفترة كنت محتارة اتخلى عنه والا ايش اسوي معه بالضبط ماني عارفة

لين استشرت كم من احد وقالولي حتى لو كان فيه سحر يضل عنده شوية عقل اللي مسحور مو معناه عقله راح بالكامل ..وفعلا لاحظت امي وابوي مع ان بينهم سحر صح يتزاعلون وتحصل مشاكل بس يرجعون يتصالحون ..

جا وقالي في العيد انه يبغى يتزوج مسيار علشان يعرف ما اذا كان هالسحر مانعه مني والا من جنس الحريم كلهم ..قلتله اوكي سوي اللي يريحك بس انا لا

قال لا انا ابغاك معهم ..

قللته طيب تزوج هاللي قاعد تكلمها ..قال مافكرت فيها ثم سكت شوي وقال اذا تزوجتها بتزعلين
قمت اسايره ابي اشوف ايش يقول
قلتله خلاص خذها لين ماتتشافى ونتزوج وتطلقها ..

قام يقول انتي قاعدة تساوميني يعني ..قلتله وش دخل الحين ..
مو انت تقول انه هالزواج بس اختبار

ومن بعدها قعدت افكر هل اقطع كل شي الحين والا بعد مايتعالج والا ايش اسوي بالضبط
او هل احط الموضوع بيدين امي وابوي وهم يتولون كل شي

لأن ابوي سمع خطيبي يقول ماعاد يبغى الزواج الحين ..خلاص يبغاه بعد 3سنوات أو 4سنوات
زود على هال6سنين

فابوي قال مستحيل اخلي بنتي في ذمته كل هالمدة وامي كذلك