عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كل عام وانتم بخير بمناسبة الشهر الكريم
بنات انا حابة تفيدوني بأرائكم وان شاء الله ماتقصرون مع اختكم
انا لي سنه مع زوجي والحمد لله بسعادة دائمة.
لكن عندي كم مشكلة ابيكم تساعدوني بحلها اللي لها تجربة تفيدني وربي يوفقكم جميعا..
انا سلمكم الله مااحب تفوتني مناسبة تجمعني مع زوجي بمعنى مر علينا يوم ذكرى زواجنا وانا ماؤئمن بذي الاشياء بس استعيد الذكريات الحلوة وحبيت اعمل سهرة انا وزوجي والحمد لله عملتها
والمشكلة اللي ضايقتني كثير انو بعد ماخلصت الاربعين من ولادتي فكرت انو اشتري ملابس نوم وغيرها حتى اطلع له بشكل حلو وجديد واشتريت له عطر وبخاخات للجسم ودهن عود لانه يحب ذي الاشياء فكرت انه يعرف وش احب بس للاسف يذكرني كثير انو يوم 29 يوم زوجانا وفرحااااااااان
لمن جا ذا اليوم عملت اجواء حلوة بالبيت ونومت ولدي بدري جا اخونا في الله واهديتله هديته انحرج وصار مايعرف يتكلم ويقول والله احرجتيني وهو ياحظي ماشوفت منه ولا شئ فقلتله فوجهه انت عبرت باحتفالك بذا اليوم انه غرفت نوم وبسسس وزعلت منه..
ايش اسوي برده ذا تركتها لربي .. بس متاكدة انو اثر فيه ذا الموقف
المشكلة الثانية ..
مع اهله وبالاخص اخواته امه تجنننننن تاخذ العقل بحسبت امي واكثر احبهااا حيييل
مشكلتي مع اخواته وبالاخص اخته الرابعة عمرها 11 سنة بس تفكيرها تفكير وحده عمرها 30 سنه شيطانة بسم الله عليها..
اخته ذي حشرييييه بقوة وياما تمشكلت معها بس مافي فايدة راحت معي تصيف للجنوب واول مره اصيف معه بالسعودية الصيفية الاولى كانت برا وهي شهر العسل
تخيلوا معانا اخته الكبيره وزوجها واخذت اخت زوجي الصغيرة معهاعمرها 3 سنوات
واللي عمرها 11 ياحظي نامت معي انا وزوجي وولدي ناشبتنا والله انا صعبه اقولها اطلعي برا عند اختك لانها تستحي من زوج اختها
مسوية نايمة الاخت وهي جالسة تراقبنا انا وزوجي ماسوينا شئ بس نايمين جنب بعض وولدنا بيننا نفسيتي تعبت من ذا الوضع والله اكيد بتقولي زوجك وش ردة فعله زوجي عااادي عنده مقدر الوضع وميزانيتنا المادية ماتساعد نسكن لحالنا وش الحل بذ الوضع كيف اتصرف مع اخت زوجي دلووني مابي اسوي مشاكل معها احتراما لزوجي وامه ..
وحاليا انا افكر بشئ جمعت فلوس ونفسي اشتري هدية لامي وعمتي ام زوجي وهي خاتمين ذهب وبدون علم زوجي ابي افاجئه لانه مايعرف كيف ياخذلي هدية ويفرحني بها
راح تستقربوا ليش باسوي كذا لان عمتي خيرها سابق والله والله تحرم نفسها بس علشان تسعدني انا وولدي ودائما تخاصم ولدها انو مايحرمنا من اي شئ
بس المشكلة لمن ابي اهديها الهدية وش راح تكون المناسبة وش اوقول لها وامي مايبيلها كلام اهديها لانها امي الغالية …
ابي استشارتكم الوافية ومساعدتكم الله يوفق اللي ترد علي واذا ماعندك تعليق ار فعي الموضوع …
وجزاكم الله كل خير … اختكم ام بتـــال
