عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
حبيت افتح قلبي لكم واقول مشكلتي ولو انها بسيطة شوي
بس انا وايد اعاني منها
وهي مع عمتي ام زوجي
تصورو وين ما نروح انا وزوجي تبي تروح معانا والحين نخطط نسافر بروحنا بدال شهر العسل لان في بداية زواجنا ما انبسطنا كثير في شهر العسل
فنبي الحين نجدد ونسوي شهر عسل ثاني
وهي من شمت ريحة سفره
على طول قالت تبي تسافر معانا
قولو لي شسوي الحين ؟؟ زوجي متفهم ويعرف ان هذا شي غلط بس مايبي يزعل امه وانا ما ارضى ان احنا نسافر وهي زعلانه علينا
مادري شسوي افكر اكنسل السفرة بس وربي عندنا فرصه الحين صعبة تتكرر مره ثانية
ابي رايكم في اقرب فرصة لان مابقى على سفرتنا الا جم يوم بس
ابي تفيدوني بليز محتارة ومضايقة
انتظر ردكم على احر من الجمر
تحياتي
