عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته اخواتي حابه اطرح عليكم مشكلتي الي متعبتني من سنين وانا ماكتبت مشكلتي الا لاني عارفه انكم مستحيل تطنشوني وانو بالذات هذا القسم احس انو نشيط مره وقلوبكم على بعض ربي يسعدكم امين راح ابدا بمشكلتي وابي منكم الحل مشكلتي هي عدم الثقه بالنفس والسبب ! طالبات المدرسه زمان بقولكم قصتي بالتفصيل انا لما كنت ادرس في الابتدائي كانو البنات يضحكو على مشكلي بس مو مره يعني وسط وكنت اطنش وكنت واثقه من نفسي مع اني اشوف شكلي مو حلو بس يمكن لانو وجهي طويل مره وعريض من تحت وكانو يطنزو علي طبعا دخلت المتوسط وكانو الثانوي والمتوسط مع بعض بنفس المدرسه انا جاتني عين في الابتدائي وكان عندي فراغ في شعري وعيوني جاحضه وكبيره ووجهي طويل مره وعريض جاتني وحده من الثانوي قالتلي انتي ليش شعرك كذا وعندك فراغ من ايش وكنت اسكت تخيللو توني دخلت اول متوسط ويجون بنات الثانوي يناضرون فيني والي تقول يمه تخوف والي يجون لحد عندي والوحده توري صديقتها تقوزل شوي هذي والي اشوف نضراتهم من بعيد ويضحكون علي انا نفسي اعرف في ايش بالضبط يضحكون ماكنت اعرف مرت الايام قلت يمكن من شعري يضحكون وصرت اغطيه تخيلو احط طرحه عليه معاد اسرح شعري زي البنات ولاشي يجون المعلمات عندي يسالوني ليش حاطه طرحه شيليها خليك زي البنات وانا لاحياة لمن تنادي حتى وانا حاطه الطرحه مستمرين علي بالضحك والاستهزاء من بعدها فقدة ثقتي بنفسي صرت اشوف نفسي مو حلوه احس اني اقبح بنت على وجه الارض مع انو والله ماكذب عليكم في عايلتنا مره يمدحون فيني وفي جمالي يقولون حتى اخواتها كلهم مو زيها وفي المدرسه اشوف شي ثاني مختلف لدرجه معاد صرت اطلع من الفصل اكل جوا الفصل وجالسه على الكرسي لين الحصه السابعه تخيلو عالطول البس عبايتي واطلع البيت خلاص صرت مره اقول مابي اخوف البنات بشكلي وملامحي وصرت مره منعزله ماحب احتك باحد جالسه لوحدي تخيلو لين صرت بثاني ثانوي على هالحال وحتى بنات اول متوسط يجون لحد الفصل عندي ويناضرون فيني ويجلسو يضحكو انا مره تحطمت وصرت اخاف من البنات كلهم كنت ابكي ابكي اقول لامي مابي اكمل مدرستي خلاص امي كانت تستغرب كان غايبي كثير مره كثير وبالنهايه دخلت ثالث ثانوي بالترم الاول ومعاد كملت فصلت راحت علي سنه المهم احس لما فصلت ارتاحت نفسيتي شوي ولاكن الثقه للحين معدومه مره والله اني اكتبلكم ووقلبي يعورني ودمعتي في عيوني مدري ايش اسوي كيف ارجع ثقتي بنفسي ماني عارفه صرت اقارن نفسي بغيري احيانا افكر بلانتحار صرت حتى العزايم والحفلات اخلي الطرحه براسي مع اني باقي صغيره عمري 20 احيانا اجلس اناضر في شكلي اقول ياربي ايش فيني يخوف قلت يمكن عشان وجهي طويل ومن تحت عريض واناضر مره ثانيه اقول يمكن عشان عيوني جاحضه وكبار مره واناضر واقول يمكن عشان شعري قليل ويفشل زالله ماكذب عليكم اسمع المدح من عايلتنا او ديرتنا فيني يقولون حلوه ومدردي ايش لاكن ماصدق خلاص حاطه في بالي اني اقبح شي بهالدنيا والحين مدري اخاف من الزواج اقول ياربي اخاف اذا جلست مع زوجي يناضر فيني ويخاف مني مابي اخوفه مني شلة الفكر الزواج من بالي احس عندي مرض نفسي او مدري ايش يسموه هذا والله اشوفه بنات اقبح مني وماشالله عندهم الثقه بنفس الا انا يمكن من الاشياء الي مريت فيها والمعاناه فقدة ثقتي بنفسي _الحين الي ابيه منكم تنصحوني وتقولو لي ايش اسوي بالضبط وكيف ارجع ثقتي بنفسي وكيف ماقارن نفسي بغيري وهل تعتقدون انو الوحده لاصار وجها طويل مره وعريض وعيونها كبار وجاحضه وشعرها خفيف تعتبر شاذه بالمجتمع ولاعادي وكيف اقلل من طول وجهي يعني كيف اسرح شعري بحيث انو وجهي يكون قصير شوي ابي اعيش حياتي زي اي بنت ابي ارتاح طفشت تعبت ودي اموت والله ساعدوني تكفون مالي غير الله ثم انتم انصحوني بكل شي اسويه انا وحيده ماعندي لاصديقاتي ولااخوات اكبر مني كلهم صغار 😐
عن LordSnow
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …