مشلكتنا اللي مو لاقين لها حل ؟؟ يارب الفرج من عندك

وكثير اشوف ملامستكم لمشاكل البنات وحل مشاكلهم ياليت القى لمشكلتي اللي اعاني منها وكل اهلي 😡
بنات انا والله يعلم بحالي عايشه ومو عايشه بهالدنيا
بيتنا صاير كله مشاكل في مشاكل من امي وابوي اللي ما تخلص مشاكلهم من طلعنا على الدنيا ولا من المشاكل اللي تجيبنا من الخارج من اهل ابوي وتبليهم علينا
والله ان حياتنا صايره كلها هم وغم وربي وربي الفرح هذا ما عمره دخل بيتنا من مشكله لمشكله
فجئه نكون جالسين عادي ما فيه اي مشاكل يصير اي نقاش بموضوع او اي تصرف من احد في البيت بنقلب البيت فوق تحت واصوات وصراخ والله شئ مو طبيعي ولا اقدر اوصف المواقف اللي تصير والله لانها فوق ما تتصورون شلون
لدرجة امي وابوي توصل مشكلتهم ووامي تطلب الطلاق وكل مره على هالحال وامي وابوي مو صغار بس ما ادري ليش كذا ؟؟ 🙁
والله يابنات تعبنا تعبنا من هالعيشه ودنا نعيش في جو اسره هادي ووبسوطين ننوم على مشاكل ونصحى على مشاكل في دخلتنا وطلعتنا نقه وطقاق وكان امي وابوي يدورن الشاره عشان يبدون بالكلام على بعض وابد ما فيه احترام بينهم تعبت من كثر ما نصح امي تقول انتي تشوفين ابوك واذا نصحت ابوي يقولي انتي واقفه مع امك ما تشوفين هي وش تسوي 💡
والله احترت مدري هو من امي ولا من ابوي السبب بس عشان ما اظام احد فيهم السبب منهم اثنينهم مع ان ابوي ساعات هو اللي يزودها وعلى اتفه الاسباب يجلس ينق فيها ويحن ويزن 😉
آآآآه تعبت والله تعبت منهم ما عاد فيني حيل لهم 😆 idea:
والله اني افكر في كل اسره في عائلتنا من اهل امي ولا اهل ابوي
كلم عايشين بسعاده ومهما صار بينهم مشاكل عاديه تصير باي اسره ماشالله عليهم
الا احنا حياتنا كلها مشاكل مو بس شهر ولا شهرين ولا سنه ولا سنتين هذا عمر قضيناه كله بالمشاكل وربي كل حياتنا مشاكل
ما صار للفرح عندنا وقت ولا مكان
تعبنا من الصبر صبرنا والله مافيه احد صابر مثلنا نحاول نتعايش مع هالوضع عودنا انفسنا عليه والحقيقه انه صار غصب عنا انننا نتعود عليه لانه انفرض علينا من انولدنا واحنا ما نسمع الا الصراخ والكلام اللي ماله طعمه
والله يا بنات ساعات اتمنى الموت من اللي اشوفه في بيتنا 😉
احنا الحمد لله امورنا الماليه الحمد لله عايشين ببيت ملك ومو قاصرنا شئ من الامور الماليه
بس مو كل شئ بالحياه فلوس ولا تقولون انتوا على الاقل الامور الماديه كويسه عندكم فيه نا لا
ما يحس بالنار الا واطيها
نبي الراحه نبي نعيش ببيت هاديه مو مشاكل والله حتى ما عاد صرنا نقدر نعيش عمرنا
اتمنى اني اعيش مثل هالبنات واتمنى اخواني الصغار بعد يعيشون حياتهم مثل باقي الاطفال
بس شلون والله انا في دائره مغلقه ما نقدر نطلع منها ابد ابد كل ما لها وتضيق علينا
حتى يا بنات والله اني ماعاد احلم زي هالبنات بالزواج او اي شئ ثاني هالمشاكل مو مخليه للحلم او للحقيقه في حياتي مكان 😛

اشوف بنات اقاربنا وصديقاتي ينخطبون ويتزوجون وحياتهم تغيير من احسن لاحسن ماشالله
الا انا والله يا بنات الحمد لله انا مو ناقصني شئ من الجمال والله ما امدح نفسي بشهادة اللي اعرفهم والحمد لله بنت صاينه نفسي
بس للاسف ما احد يخطبني واذا انخطبت باتلفون يصير شئ يفركش كل شئ ❗
ما ادري وش اسوي بحياتي والله تعبت اقول يمكن اذا انخطبت يتغير شئ ببيتنا يفرحون اهلي ينسون شوي المشاكل مع اني اشك ان حياتنا تغيير

/

بنات من اسبوعين اتصلت حرمه عشان تخطبني وقالت لها امي ماعندي مانع
بس قالت لها امي الحين احنا عندنا صيانه في البيت وعمال ياليت تاجلونها للاسبوع الجاي
وغير كذا الاختبارات وقالت الحرمه خلاص راح اتصل الاسبوع الجاي عشان ناخذ موعود
والله يا بنات هذا الحين مره اكثر من اسبوعين ولا دقت ولا شئ 💡

كنت متوقعه هالشئ انه راح يصير لانه مو اول مره يصير معي كل مره يدقون على اساس انهم بيجون والله ما نشوف احد مدري وش السبب اموت واعرف ليش يصير معي كذا ؟؟ 😆

وليش مكتوب علينا الشقا طول حياتنا والله صرت اقول يمكن هذا سحر يمكن هذا عمل لان اللي يصير لنا شئ مو طبيعي وكانا مربوطن في بيتنا بس عشان نعيش بجو هالمشاكل

بنات انا ما قلت لكم التفاصيل في المشاكل لانها تبقى اسرا عائله بس انا تكلمت بشكل عام ➡

يارب وش الحل نتعبنـــــا الانسان فيه صبر واذا نفذ صبره يمكن ينفجر وهذا حالي وحال اهلي 😆 idea:

خلاااااااااااااااااص يارب وش هالحياه