مصممة الأزياء هبة جمال رائعة وهذي قصتنا


احنا قصتنا طويلة مع المصممة هبة جمال وامها
انا ابويا متزوج 3 حريم وطبعا كل سنة عندنا زواجات سواء كنا اهل عروسة او اهل عريس قبل لا نعرف مشغل هبة صممنا فستان اختي العروسة عند مصممة معروفة الله يسامحها خربت فستان العروسة واخرته كثير وماكان باقي الا 4 ايام على الزواج واختي جسمها وذوقها صعب

..المهم وحدة من زميلاتنا الله يسعدها دلتنا على مشغل هبة قبل 11 سنة من الآن هبة كان صغيرة مرة ما كانت تصمم كانت امها بس استقبال ام هبة لنا كان ممتاز ومقدرة ظروفنا والله صممت فستان العروسة قماش وتطريز في اربع ايام بصراحة في البداية ماكنا مصدقين لكن ما كان عندنا حل لكن ماشاء الله طلع فستان العروسة يهبل ممتاز والتطريز فخم كل الناس مدحوا فيه وبموديله

ومن يومها واحنا نصمم عند ام هبة والله 9 عرايس اخواتي صممنا احنا والعرايس عند ام هبة بالقماش والله الكل يتحكى عن فساتينا وتميزها وخياطتهم زي القالب على الجسم وزواجات اخواني كلها صممنا عند ام هبة وهبة لمن كبرت وكل مرة نخلي الموديل على ذوقهم مانتدخل من كثر مايبدعون مايحتاج نتدخل يشتغلون من قلبهم شغلهم مافي زيه بعض فساتين اخواتي العرايس استاجروها ناس وغالبيتها اتباعت وحدة منهم اشترتها المطربة في يوم الفرح دفعت العربون وبعضهم زميلاتنا اشتروها وآخر واحد اشترته وحدة من المعازيم ودفعوا مبالغ حلوة الحمدلله

واسعار المصممة هبة معقولة مرة كل مايسألونا الناس عن الأسعار ويشوفوا الفساتين يقولون تستاهل اكثر وهذا شي حلو واهم شي في مشغل المصممة هبة جمال مايكررون موديلاتهم ابدا وعندهم امانة جماعتنا يخيطون عندهم لكن مايقولون اسعارنا وموديلاتنا لهم ولا حنا مايقولون لنا خصوصيات جماعتنا وهذا احسن و ام هبة وهبة بنفسهم يتعاملون معنا ومع كل الزباين وهذا مريح لأنهم فاهمين بشغلهم وصرنا الآن نصمم عند هبة مع امها تصميماتها مرة حلوة وبعد شهرت هبة لمن نشوفها بالتلفزيون ونروح لها الحمد لله تعاملهم زي ماهو واسعارهم زي ماهيا وماعندهم الاستغلال وهذا شي طيب في مشاغل جديدة وشغلهم أي كلام واسعارهم نار لكن المصممة هبة ممتازة في كل شي اصلا مشغل هبة معروف من زمان ماهو جديد وشهرته كبيرة قبل ما تطلع في التلفزيون
..والله بعض جماعتنا لمن راحو يصمموا عند هبة واشتروا القماش يقولون ان هبة وامها يطلبون قماش قليل عندهم بركة ويدبرون لو القماش قليل مو زي المشاغل اللي يطلبون امتار بالهبل حرام
..صراحة انا عشرة مع مشغل هبة هما دايما متجددين كل فترة يبتكرون اشياء حلوة مرة والله صدقيني مافي زيهم الواحد يروح مطمن وخياطتهم نظيفة واقمشتهم راقية الله يسعدهم يريحون الواحد من اللف في السوق والدوخة بشي ممتاز من غير ما نشيل هم ان شاء الله اكون افدتكم اذا تبغوا رقم المشغل 6721097//6709034 مشغلهم قريب من سوق المجمع رقمهم في الإستعلامات بالأمانة ادعولي بالخير

عن Aminio10

شاهد أيضاً

¯°·.¸¸.··.¸¸.·°¯ ازدانت ارض المنتدى ..فرحا بعودتك..مريم هدى سمر..شاركونا الفرحة<-..··

هاهي اللحظات السعيدة تعود الينا مرة اخرى.. وهاهي ذات القلب النابض بالحب تشعل ليلتنا.. وهاهي …