مضايقة :: ذي سالفتي مع أخته بختصار مفيييييد

بسم الله نبدأ ..
السلام عليكم ورحمة الله وبركاته
كيف حالكم فراشات؟
خواتي ما طول عليكم، السالفة اني عايشة في بيت اهل زوجي، في بادى الامر كان الوضع ولاجو من احلى مايكون لكن مع الوقت احس بدأ الجو يصير فيه نوع من التوترات وماعرف هل انا مبالغة في احساسي ولا شسالفة ويعلم الله اني ماقصد بهالكلام غيبة لكن والله ما ابي الا اصفي قلبي بنصيحتكم ورشدكم لي ، لاني اخاف اذا كتمت يزيد الامر سوء والشيطان يلعب في راسي اكثر واخسر اكثر من ما اكسب.
السالفة ومافيها هو اني اشعر ان زوجي احيانا يفضل بيتهم علي وماعرف ليش هل الخلل فيني او ان الوضع طبيعي كذا ماراح اسرد كلام لكن راح اذكر مواقف وبالمثال يتضح المقام، والأمر متعلق في بيتهم وايد لدرجة ان اول مايصحى من نومه يروح لهم يجوفهم قعدوا ام لا وكذلم لما بروح ينام لازم يجوفهم ..
وفي الليل احيانا مايقعد عندي وانا بروحي واهو يقعد تحت يطالع الاخبار ويقعد مع بيتهم وطبيعي من هالقعده تصير سوالف.
لكن اللي يألمني في السالفة هو ان اخته ربي يهديها ويهديني معاه وايد تيلس تتدلع عليه تلعب في شعره أو تمسك ثيابه وتغير في صوتها هذا الوضع أمامي ولا تبالي حتى حق مشاعري ، واهيا تعمل كذا اذا كانت تبي منه حاجه مثلا على سبيل المثال اذا راحت بيت لناس توهم ساكنين بيت جديد وعجبها شي ترجع البيت وتقوله يافلان ابي كذا وبدلع بالحركات اللي قتلتلكم عنها ،، واذا جافت لها سيارة في الشارع عجبتها راحت يودته وتقول ابي كذا عاد وراحت تتدلع عليه ، انا سكت وايد وتحملت وفي الاخير صارحتة قتله ليه تعلم لك كذا ماله داعي واهو تم يضحك وقولي تعمل لي احسن ماتعمل لاحد من الشارع، قلت في نفسي لازم اتدلع عليه جدام اهله على الرقم من اني ما أيد هلا حركه لاني احسه عيب، النتجية اللي حصلته هو اني احسه اني كل ما اتدلع تزيد او احسه تقتهر وبعدها زوجي يودني وقالي لا تتدلعين جدام بتنا ، وايد زعلت ليش اهو يوقفني وخلي اخته تتدلع وانا زوجته واللي من حقي اتدلع يقولي لاتسوين كذا ، ليش ليش؟يحاسب على مشاعر اخته وانا لا!!
وشي ثاني اذا نقعد نجوف التلفزيون كلنا تقعد تناديه اهو بالتحديد وتقوله يفلان جوف جوف ، طيب انا وين ليش ماتتلكم بصيغة الجماعة، وكذلك اذا تبي رايه او وصلها مسج دائما تخصه وماتلاقي لي بال خواتي انا اختصر الحكي بس من جد هالشي يقهر اذا شعرتي انك مهمشه، واللي قاعد يتعب نفسيتي هالايام هو ان اول مايصحى يسأل عنها فلانه قامت من النوم ، واذا يعرف انها غير موجوده اول مايقعد من النوم يسألني عنها فلانه رجعت البيت وعلى طول يتصل شنو ذي انا مو زوجتك لهالدرجة اهيا ماخذه عقلك اول ماتصحى تسال عنها ، حتى لو نكون برع اول مايدخل البيت فلانه قعدت من النوم ويسال امه المتى فلانه رقدت امس، شنو ذي مو شي يقهر ، ماحب احط في قلبي على احد بس شنو اسوي غصبن علي .
ومن جانب ثاني امه ماشا ءالله عليه شوي توسوس على طول فعلي ولاتفعلي بخصوص بنتي تمللت على طول مسلمتني ، لما خبرته ان المفروض لا يصير هالشي واشعر ان فيه نوع من التدخل خبرني ان بخبرها ن والوضع على حاله تعبت نفسيتي وايد، واخر مره قالتي لاتفعلي كذا رديت عليها قتلها ماب فعلها قام وجدامه قالي شفيج انتي ولما راحت امه حاسبني قالي ليش تعاملينها بهالطريقة قتلها ماعملت بشي انا جدا طبيعيه معاه!!
ومرة من المرات كنت طالعة معاه تم بدقيقة يتصل في بيتهم ويسال عنهم وفي نفس اليوم انا بقيت في البيت وطلع مع بيتهم ولا رفع لي تلفون وبادر بالسؤال.
يعني ابي اعرف انا قاعد ابالغ ولا شسالفه ➡ شاسوي ؟؟