عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
حياكم الله يا فراشات يا حلواات
اليوم عندي لكم مجموعة وصفات
إن شاء الله تعجبكم يارب و كالعاده سهله ماراح تتعبون
مثل ما أقول لكم دائماً
بسم الله نبدأ ..
:: ستيك الدجاج ::
المقادير:
صدور دجاج حب عدد الأشخاص عندك
بهارات مشكله + ملح
فطر (مشروم)
بصل مقطع أجنحه
صوص الصويا أو صوص ريح المحار
الطريقه:
نتبل الدجاج بالبهارات والملح والصوص
ونتركه بالثلاجه مدة ساعتين
بعدها نطلعه ونحطه بالشوايه الكهربائيه أو على صاج
على حسب المتوفر عندك أنا أسويها بالشوايه الكهربائيه
وقلبيها على الجهتين لحد ماتستوي
حطي بالقلايه شوي زيت وضيفي له البصل والمشروم حمريهم مع الملح
وفلفل أسود وشوي صوص مع مراعاة أنها ماتستوي مجرد تحمير بس
وبعد كذا قدميها ممكن تضيفين معاها خبز محمص أو بطاطس
أنا قدمتها مثل ما أنتوا شايفين بالصوره
مع الخبز وشوي ذره وبطاطس
عااافيه على قلووبكم ~
:: كبة التوست ::
المقادير:
كيس خبز توست يفضل لوزين لأنه طري جداً
صدور دجاج
جزر + بقدونس
مايونيز
فلفل أسود و ملح
بصل و ثوم
بيضتين
بقسماط
الطريقه:
نقطع أطراف التوست نشيلها
نقطع الدجاج قطع صغيره ونحمره على النار مع البصل والثوم والفلفل الأسود والملح
لحد ما نتأكد أنها استوت
نبشر الجزر ونفرم البقدونس ونضيف للدجاج مع ملعقتين مايونيز
ناخذ شريحه من التوست ونحط بالوسط بالضبط ملعقه من الحشوه ونبدا
نضغطها بيدنا لحد ما تتشكل على شكل كبه ونضغطها كويس نتأكد
أنها تسكرت تمام بعدها نغمس شويه بالبيض بعدين نقلبها في البقسماط
بعد مانسويهم كلهم بهالشكل نحمي الزيت على النار
ونبدا نقليهم لحد مايصير لونهم أشقر ذهبي مثل ما أنتوا شايفين بالصوره
عااافيه على قلووبكم ~
:: حلى المارس ::
المقادير:
خمس حبات مارس
كورن فليكس
الطريقه:
نسوي المارس في حمام مائي نخليه يذوب مره ويتجانس
ملاحظه: ( فيه ناس تضيف للمارس مع الحمام المائي ربع اصبع زبده ) بس أنا ما احط خلقه المارس دسم ونضيف له زبده انتبهوا على نفسكم خلوكم رشيقات 😀
مو فاتحين مشروع تسمين أبقار 😆 hy:
بعد مايذوب كويس نضيفه على كميه من الكورن فليكس
ونبدا نشكلهم على شكل كرات زي ماتشوفون بالصوره
والحلو فيه أنه سهل وسريع وطعمه لذيذ مع القهوه
عااافيه على قلووبكم ~
:: حلى الكيك بالآيسكريم ::
المقادير:
كيك أمريكانا قالب
آيسكريم أي نكهه تحبين توفي ,, فانيلا ,, فراوله اللي تبين
هيرشي سائل
أعواد بسكوت
الطريقه:
قطعي قالب الكيك وضيفيه بآخر كاس الحلوو
بعدها ضيفي فوقه الآيسكريم أنا حطيت توفي
بعدها حطي عليه هيرشي شوي من فوق
وحطي عود البسكوت وبس
أنا سويته لأنه عندي آيسكريم وابي اخلصه فقلت خل أسويه لهم طريقه حلووهـ
وجت هالفكرهـ ببالي يعني استثمروا أي شي عندكم 😆 🙂
عااافيه على قلووبكم ~
أتمنى تكون وصفاتي اليوم عجبتكم و نالت رضاكم
أدري أني طباخه لا داعي لا داعي 😆
أذكروا الله ,, وقولوا ما شاء الله بسم الله على قليبي .. 😉
لكم أرق تحيه ,, حتى ألقاكم بموضوع جديد ~
